इंडिया दर्पण ऑनलाईन डेस्क – जपानहून विशेषत्वाने होळीचा सण साजरा करण्यासाठी भारतात आलेल्या एका जपानी मुलीसोबत अश्लील वर्तन केल्याची घटना दिल्लीत घडली आहे. या प्रकाराने ती मुलगी प्रचंड दहशतीत असून तिच्यासोबत घडलेला संपूर्ण प्रकार एका व्हिडिओमुळे पुढे आला आहे.
भारतात होळीचा सण मोठ्या प्रमाणात साजरा करण्यात येतो. विशेषत: उत्तर भारतात होळीला सर्वत्र उत्साहाचे वातावरण असते. मथुरा, काशी, वाराणसीप्रमाणेच दिल्ली येथेही होळीचा सण धुमधडाक्यात साजरा होतो. या निमित्त अनेक विदेशी पर्यटक भारतात येत असतात. पीडित तरुणीदेखील होळीचा सण साजरा करण्यासाठी भारतात आली होती. धुळवडीच्या दिवशी तिला रंग लावण्याच्या बहाण्याने तीन तरुणांनी तिच्याशी अश्लील वर्तन केले.
या प्रकरणी पोलिसांनी दिलेल्या माहितीनुसार, या जपानी तरुणीने तिच्यासोबत घडलेल्या प्रकाराबाबत कुठेही तक्रार दिलेली नाही. मात्र, पोलिसांनी त्या घटनेच्या व्हायरल झालेल्या व्हिडिओची दखल घेऊन कलम ३५४ अंतर्गत एफआयआर नोंदविली आहे. ही मुलगी पहाडगंज या ठिकाणी थांबली होती. तिथे होळी खेळत असतानाच तिच्यासोबत गैरप्रकार घडला. त्या घटनेचा व्हिडिओ स्वत: मुलीनेच ट्विट केला. तो व्हिडिओ बराच व्हायरल झाला. त्यानंतर तिने तो स्वत:च्या अकाउंटवरून डिलिट केला. ही जपानी तरुणी आता बांगलादेशला गेली आहे.
…म्हणून केला व्हिडिओ डिलिट
भारतीय किती संस्कृती किती चांगली आहे. येथील सण-उत्सव कशाप्रकारे साजरे होतात, हे सांगण्यासाठी मी भारतात आले होते. तसा व्हिडिओदेखील बनवायचा होता. पण, त्यादिवशी माझ्यासोबत जे घडले त्यामुळे मी खूपच घाबरून गेले. मी त्या घटनेचा व्हिडिओ पोस्ट केला तेव्हा मलाच नावे ठेवणाऱ्या कॉमेंट्स त्यावर आल्या. परिणामत: मी माझ्या अकाऊंटवरून पोस्ट केलेला व्हिडिओ डिलिट केला, असे त्या तरुणीचे म्हणणे आहे.
https://twitter.com/SusieKxoxo/status/1633987264144457728?s=20
Japanese Girl Holi Molestation Video Viral First Reaction
