नाशिक (इंडिया दर्पण वृत्तसेवा) – केंद्रीय अन्वेषण ब्युरो (सीबीआय) ने भारतीय लष्कराच्या हवाई प्रशिक्षण केंद्रातील (कॅट) मेजर आणि ज्युनिअर इंजिनिअरला लाच घेताना पकडले आहे. याची गंभीर दखल भारतीय लष्कराने घेतली आहे. लाचखोर मेजर हिमांशू मिश्रा आणि ज्युनिअर इंजिनिअर मिलिंद वाडिले यांच्याविरोधात कठोर शिस्तभंगाची कारवाई केली जाणार आहे.
नाशिकमध्ये लष्कराच्या हवाई प्रशिक्षणाचे केंद्र (कॅट) कार्यरत आहे. याठिकाणी लष्कराच्या हेलिकॉप्टर्सचे प्रशिक्षण दिले जाते. हे भारतातील एकमेव मोठे केंद्र आहे. विशेष म्हणजे, याच केंद्राला प्रेसिडेंट कलर हा सर्वोच्च सन्मानही मिळाला आहे. आणि याच केंद्रात सीबीआयचे पथकाने मोठी कारवाई केली आहे. कॅटमध्ये कार्यरत असलेला मेजर हिमांशू मिश्रा आणि ज्युनिअर इंजिनिअर मिलिंद वाडिले हे दोन्ही एका कामासाठी कंत्राटदाराकडून लाच मागत असल्याची तक्रार सीबीआयला प्राप्त झाली. त्यानंतर सीबआयच्या पथकाने सापळा रचला. आणि या सापळ्यात हे दोघे सापडल्याचे सीबीआयच्या लाचलुचपत प्रतिबंधक विभागाचे पोलिस निरीक्षक रणजित पांडे यांनी इंडिया दर्पणशी बोलताना दिली आहे.
लष्कराने आपल्या निवेदनात म्हटले आहे की, केंद्रीय अन्वेषण ब्युरो (CBI) ला तपासकार्यात सर्वतोपरी मदत केली जाईल. भ्रष्टाचाराविरुद्धच्या ‘झिरो टॉलरन्स’ भूमिकेचा लष्कर पुनरुच्चार करीत आहे. लष्करी अभियांत्रिकी सेवा (एमईएस) मध्ये कार्यरत असलेला मेजर दर्जाचा अधिकारी आणि नागरी संरक्षण कर्मचारी (ज्युनिअर इंजिनीअर) यांचा समावेश असलेल्या तपासाबाबत लष्काराने समाधान व्यक्त केले आहे. भारतीय लष्करासारख्या शिस्तबद्ध संस्थेमध्ये कोणत्याही प्रकारच्या गैरप्रकारांना स्थान नाही. दोषींवर कठोर शिस्तभंगाची कारवाई केली जाईल, असा लष्करी अधिकाऱ्यांनी स्पष्ट केले आहे.
Indian Army on Nashik Corruption Case
CBI Raid
