नाशिक (इंडिया दर्पण वृत्तसेवा) – महामार्गावरील विल्होळी शिवारात नादुरूस्त झालेल्या मालवाहू वाहनातून ब्रँण्डेड बुटांची चोरी झाल्याचा प्रकार समोर आला आहे. यात चोरट्यांनी तब्बल साडे आठ लाख रूपये किमतीच्या बुटांवर डल्ला मारला. याप्रकरणी वाहन चालकाने दिलेल्या तक्रारीवरून अंबड पोलिस ठाण्यात चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार राधेश्याम मकरंदा सिंग (रा.भिवंडी, ठाणे) या चालकाने याप्रकरणी तक्रार दाखल केली आहे. राधेश्याम सिंग हे आपल्या मालवाहू वाहनातून बाटा कंपनीचे बुट वितरणासाठी नाशिकच्या दिशेने घेवून येत असतांना ही घटना घडली. मुंबई येथून सोमवारी (दि.१८) ते माल भरून प्रवासाला लागले असता महामार्गावरील विल्होळी शिवारात वाहनात बिघाड झाला.
कचरा डेपो परिसरातील सिएनजी पेट्रोल पंप भागात रात्रीच्या वेळी नादूरूस्त वाहन रस्त्यात उभे करून ते गॅरेजचा शोध घेत असतांना ही घटना घडली. अज्ञात चोरट्यांनी त्यांच्या उभ्या वाहनात शिरून सुमारे ८ लाख ६४ हजार रूपये किमतीचे बाटा कंपनीच्या बुटांचे बॉक्स चोरून नेले. अधिक तपास उपनिरीक्षक पवार करीत आहेत.
Nashik City Crime Police Theft dacoity murder suicide fight beaten
