नाशिक (इंडिया दर्पण वृत्तसेवा) – वडाळागावातील जय मल्हार कॉलनी भागात खिडकीचे गज कापून चोरट्यांनी सुमारे पावणे सात लाख रूपयांच्या ऐवज लंपास केला.. या धाडसी घरफोडीत चोरटयांनी रोकडसह सोन्याचांदीचे दागिने चोरुन नेले. याप्रकरणी इंदिरानगर पोलिस ठाण्यात गुन्हा दाखल करण्यात आला आहे. गुलाम नसीर शहा (रा.जय मल्हार कॉलनी,वडाळागाव) यांनी याप्रकरणी तक्रार दाखल केली आहे.
शहा कुटुंबिय रविवारी (दि.१०) बाहेरगावी गेले असता ही घरफोडी झाली. अज्ञात चोरट्यांनी त्यांच्या बंद घराच्या बेडरूमच्या खिडकीचे गज कापून ही चोरी केली. घरात शिरलेल्या चोरट्यांनी कपाटातील रोकडसह सोन्याचांदीचे दागिणे असा ६ लाख ७७ हजार रूपये किमतीचा ऐवज चोरून नेला. अधिक तपास उपनिरीक्षक सोनार करीत आहेत.
…………
कंपनातून ७० हजार रूपये किमतीचा अल्युमिनिअमचा साचा चोरीला
नाशिक (इंडिया दर्पण वृत्तसेवा) – औद्योगीक वसाहतीतील एस.आर.मेटल वर्क्स कंपनीत कडी कोयंडा तोडून चोरट्यांनी अ‍ॅल्युमिनीअम धातूचा मोल्ड (साचा) चोरून नेला. ही घटना घडली. याप्रकरणी अंबड पोलिस ठाण्यात गुन्हा दाखल करण्यात आला आहे.
प्रविण मधुकर कुलकर्णी (रा.कल्पनानगर कॉलेजरोड) यांनी याप्रकरणी तक्रार दाखल केली आहे. कुलकर्णी यांची अंबड औद्योगीक वसाहतीत एस.आर.मेटल वर्क्स नावाची कंपनी आहे. शनिवारी (दि.९) कारखान्यास साप्ताहिक सुट्टी असल्याने ही घटना घडली. अज्ञात चोरट्यांनी बंद कारखान्याच्या दरवाजाचा कडीकोयंडा तोडून सुमारे ७० हजार रूपये किमतीचा अल्युमिनिअमचा साचा चोरून नेला. या घटनेने औद्योगीक वसाहतीतील सुरक्षा पुन्हा एकदा चर्चेत आली असून अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten
