नाशिक (इंडिया दर्पण वृत्तसेवा) – पेठरोडवरील चांबरलेणी भागात वीज कंपनीच्या रोहित्रामधून चोरट्यांनी ऑईल चोरून नेल्याची घटना घडली. या घटनेत सुमारे ७६ हजार रूपयांच्या ऑईलवर चोरट्यांनी डल्ला मारला असून याप्रकरणी म्हसरूळ पोलिस ठाण्यात चोरीचा गुन्हा दाखल करण्यात आला आहे.
वीज कंपनीचे अनिल बागुल (रा. पांगरे मळा, सदगुरूनगर सिडको) यांनी याप्रकरणी तक्रार दाखल केली आहे. वीज कंपनीच्या चांबरलेणी रोड वरील ढाकणे मळा भागातील २०० के.व्ही. ट्रान्सफार्मरमधून गेल्या शुक्रवारी (दि.९) अज्ञात चोरट्यांनी सुमारे ७६ हजार रूपये किमतीचे ऑईल चोरून नेले. अधिक तपास पोलिस नाईक फुलपगारे करीत आहेत.
मायको दवाखाना भागात तरूणास शिवीगाळ व मारहाण
नाशिक (इंडिया दर्पण वृत्तसेवा) – मायको दवाखाना भागात कुठलेही कारण नसतांना तरूणास शिवीगाळ व मारहाण करीत त्याच्यावर एकाने हल्ला केल्याची घटना घडली. या घटनेत धारदार शस्त्राचा वापर करण्यात आल्याने तरूण जखमी झाला असून याप्रकरणी पंचवटी पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार अप्पू (रा.कालिकानगर,फुलेनगर) असे संशयित हल्लेखोराचे नाव आहे. याप्रकरणी विकी संजय जाधव (२२ रा.गल्ली नं. ५ अवधुतवाडी,फुलेनगर) या युवकाने तक्रार दाखल केली आहे. विकी जाधव रविवारी (दि.१०) सायंकाळच्या सुमारास मायको दवाखानापाठीमागील गल्लीमध्ये गेला असता ही घटना घडली.
संशयिताने त्यास गाठून काही एक कारण नसतांना शिवीगाळ व मारहाण केली. यावेळी संतप्त संशयिताने धारदार हत्याराने वार केल्याने जाधव जखमी झाला असून त्याच्या जबाबावरून हा गुन्हा दाखल करण्यात आला आहे. अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten
