नाशिक (इंडिया दर्पण वृत्तसेवा) – त्र्यंबकरोडवरील वासाळी फाटा भागात भरधाव अज्ञात वाहनाने धडक दिल्याने २४ वर्षीय तरूण ठार झाला. याप्रकरणी सातपूर पोलिस ठाण्यात मृत्यूची नोंद करण्यात आली आहे. पोलिसांनी दिलेल्या माहितीनुसार जगदिश काळू लखन (रा.हनुमंतपाडा पो.नाथकोडी ता.पेठ) असे मृत तरूणाचे नाव आहे.
लखन रविवारी (दि.१७) सकाळच्या सुमारास मित्रासमवेत डबल सिट प्रवास करीत होता. वासळी फाटा येथे त्याने अचानक रस्ता ओलांडणाºया दुचाकीवरून उडी घेतली. मात्र तो रस्त्यावर पडल्याने ही दुर्घटना घडली. पाठीमागून भरधाव येणा-या अज्ञात वाहनाने त्यास धडक देत पोबारा केला.
जखमी जगदिश लखन यास तातडीने जिल्हा रूग्णालयात दाखल करण्यात आले असता उपचार सुरू असतांना त्यास वैद्यकीय सुत्रांनी मृत घोषीत केले. याबाबत पोलिस नाईक चव्हाण यांनी खबर दिली असून अधिक तपास पोलिस नाईक वाघमारे करीत आहेत.
Nashik City Crime Police Theft dacoity murder suicide fight beaten
