नाशिक (इंडिया दर्पण वृत्तसेवा) – औद्योगीक वसाहतीतील श्रमिकनगर भागात झोपेत पलंगावरून पडल्याने ६८ वर्षीय वृध्देचा मृत्यू झाला. ही घटना घडली असून याप्रकरणी सातपूर पोलिस ठाण्यात मृत्यूची नोंद करण्यात आली आहे. मंदा भास्कर जाधव (रा.श्रमिकनगर सातपूर) असे मृत वृध्द महिलेचे नाव आहे.
मंदा जाधव या रविवारी (दि.१७) सकाळच्या सुमारास आपल्या घरातील पलंगावर नेहमीप्रमाणे झोपी गेल्या असता ही घटना घडली. झोपेत अचानक पलंगावरून पडल्याने त्यांच्या डोक्यास गंभीर दुखापत झाली होती. मुलगा समाधान जाधव यांनी त्यांना तातडीने संकल्प हॉस्पिटल मार्फत अधिक उपचारार्थ जिल्हा रूग्णालयात दाखल केले असता वैद्यकीय सुत्रांनी त्यांना मृत घोषीत केले.
याबाबत हवालदार जगताप यांनी दिलेल्या खबरीवरून सातपूर पोलिस ठाण्यात मृत्यूची नोंद करण्यात आली असून अधिक तपास हवालदार भड करीत आहेत.
Nashik City Crime Police Theft dacoity murder suicide fight beaten
