मालेगाव (इंडिया दर्पण वृत्तसेवा) – तालुक्यातील मुंगसे गावाजवळ मुंबई-आग्रा महामार्गावर आजोबासह नातींचा अपघाती मृत्यू झाल्याची दुर्दैवी घटना घडली. सिताराम सूर्यंवंशी हे सकाळ्च्या सुमारास आपल्या दोघा नातींना घेऊन शाळेत परिक्षेच्या पेपरला सोडवायला दुचाकीवरुन जात होते. त्यावेळेस नाशिककडून मालेगाव कडे जाणा-या बसची धडक बसल्याने दुचाकी बसच्या खाली गेली. यात आजोबा सिताराम सूर्यवंशी व एका नातीचा मृत्यू झाला. दुसरी नात गंभीर जखमी झाली.
अपघाताचे वृत्त कळताच मुंगसे गावातील नागरीकांनी मुंबई-आग्रा महामार्गावर रास्ता रोके आंदोलन केले. वारंवार अपघात होत असल्याने गतीरोधक बसविण्याची मागणी ग्रामस्थांनी केली आहे. दरम्यान रास्ता रोको आंदोलन सुरु असल्याने प्रांताधिकारी, पोलिस घटनास्थळी दाखल झाले
