नाशिक (इंडिया दर्पण वृत्तसेवा) – नाशिक – मुंबई – आग्रा महामार्गावर तीन गाड्या एकमेकांवर धडकल्या. शनिवारी दुपारी साडेतीन वाजता हा अपघात झाला. नाशिककडून मुंबई कडे जाणा-या तीन गाड्यांचा हा अपघात आठवा मैलांजवळ झाला. या अपघातात चार जण गंभीर जखमी झाले आहे.
या अपघातात प्रविण भिकान रोजेकर (५२) हिरल प्रविण रोजेकर (४६) रा. सिडको नाशिक, किसन अरून धोंगडे (७४), रुख्मिणी धोंगडे (४८) रा. पाडळी हे जखमी झाले आहे. या अपघातात इनोव्हा, ओमीनी यांचे नुकसान झाले. तर तिसरी गाडी पसार झाली.
या अपघाताची माहिती मिळाल्यानंतर गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली. त्यानंतर जखमींना तात्काळ नाशिक येथील सुयश हॅास्पिटलमध्ये दाखल करण्यात आले.
