नाशिक (इंडिया दर्पण वृत्तसेवा) – दिंडोरीरोडवरील कलानगर भागात भरदिवसा झालेल्या घरफोडीत चोरट्यांनी सुमारे सहा लाखाच्या ऐवजावर डल्ला मारला. त्यात रोकडसह सोन्याचांदीच्या दागिण्यांचा समावेश आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
सागर बाजीराव देवरे (रा.सुरेश प्लाझा,कलानगर) यांनी याबाबत फिर्याद दिली आहे. देवरे कुटुंबिय शुक्रवारी (दि.१२) अल्पशा कामानिमित्त घराबाहेर पडले असता ही घटना घडली.
अज्ञात चोरट्यांनी त्यांच्या बद घराच्या दरवाजाचे कुलूप तोडून बेडरूममधील कपाटात ठेवलेली रोकड व सोन्याचांदीचे दागिणे असा सुमारे ५ लाख ८१ हजाराचा ऐवज चोरून नेला. अधिक तपास वरिष्ठ निरीक्षक ढवळे करीत आहेत.
