इंडिया दर्पण ऑनलाईन डेस्क
गडचिरोलीः कोरचोली भागात नक्षलवादी आणि सुरक्षा दलामध्ये झालेल्या चकमकीत आठ नक्षलवादी ठार झाले. लोकसभा निवडणुकीच्या पार्श्वभूमीवर नक्षलवादी मोठा घातपात करण्याच्या पार्श्वभूमीवर पोलिसांनी ही कारवाई केली. मंगळवारी सकाळी सहा वाजण्यापासून नक्षलवाद्यांसोबत जवानांची चकमक सुरू होती. आठ नक्षलवाद्यांचे मृतदेह सापडले असून अनेक स्वयंचलित शस्त्रे जप्त करण्यात आली आहेत.
लोकसभा निवडणुकीच्या पार्श्वभूमीवर सुरक्षा दलाला मोठे यश मिळाले आहे. आज सकाळपासूनच नक्षलवादी आणि सुरक्षारक्षकांमध्ये चकमक सुरू झाली. लोकसभा निवडणुकीच्या पार्श्वभूमीवर मोठा कट उधळण्यात सुरक्षा यंत्रणा यशस्वी झाल्या आहेत. महाराष्ट्रातील लोकसभा निवडणुकीतील मतदानाच्या दिवशी किंवा दरम्यानच्या काळात नक्षलवाद्यांकडून मोठा घातपात होण्याची शक्यता व्यक्त होत होती. त्यामुळे सुरक्षा यंत्रणा आधीच सतर्क झाली होती.
दरम्यान, उशिरा मिळालेल्या माहितीनुसार किमान ११ नक्षलवादी ठार झाले असून, काही जखमी असण्याची शक्यता आहे.
