इंडिया दर्पण ऑनलाईन डेस्क
भाजपने लोकसभा निवडणुकीसाठी उमेदवारांची आठवी यादी जाहीर केली असून त्यात सिने अभिनेता सनी देओलचे गुरुदासपूरमधून तिकीट कापले आहे. या ठिकाणी दिनेश सिंह ‘बब्बू’ हे निवडणूक लढवणार आहेत. या यादीत ओडिशा, पंजाब आणि पश्चिम बंगालमधील लोकसभा उमेदवारांची नावे जाहीर करण्यात आली आहेत.
सनी देओलने काही दिवसांपूर्वी निवडणूक न लढवण्याची इच्छा व्यक्त केली होती, त्यामुळे पक्षाने त्यांचे तिकीट कापल्याचे बोलले जात आहे. दुसरी गोष्ट म्हणजे यावेळी भाजपने दिल्लीऐवजी पंजाबमधील फरीदकोटमधून हंसराज हंस यांना उमेदवारी दिली आहे.
भाजपच्या या यादीत अनेक मोठी नावे पाहायला मिळत आहेत. एकीकडे भाजपने माजी मुख्यमंत्री अमरिंदर सिंग यांच्या पत्नी प्रनीत कौर यांना पटियालामधून संधी दिली आहे.
