इंडिया दर्पण ऑनलाईन डेस्क
राजस्थान राज्यातील भरतपूर येथील बयाना विधानसभा मतदारसंघाच्या अपक्ष आमदार डॉ.ऋतू बनावत यांनी आज वर्षा या निवासस्थानी शिवसेना पक्षात जाहीर प्रवेश केला. यावेळी यांच्यासह त्यांचे कार्यकर्ते उपस्थित होते. यावेळी त्यांचे पक्षात स्वागत करून त्यांना भावी सामाजिक आणि राजकीय वाटचालीसाठी शुभेच्छा दिल्या.
राजस्थान राज्यातील ग्रामीण भागात असलेल्या या मतदारसंघाचे प्रतिनिधित्व करणाऱ्या आमदाराने शिवसेनेत प्रवेश केला हे खरोखरच कौतुकास्पद आहे. डॉ.ऋतू बनावत यांनी स्थानिक लोकांच्या उन्नतीसाठी काम करत रहावे अशी अपेक्षा यावेळी बोलताना व्यक्त केली. तसेच या दुर्गम भागात स्थानिक नागरिकांना उत्तम आरोग्यसेवा मिळावी यासाठी बयाना मतदारसंघात पाच रुग्णवाहिका देण्यात येतील असे याप्रसंगी जाहीर केले. तसेच राजस्थान राज्यात शिवसेनेच्या वाढीसाठी सर्वतोपरी सहकार्य करण्याचे आश्वासन यावेळी दिले.
यावेळी खासदार राहुल शेवाळे, आमदार प्रा.मनीषा कायंदे, शिवसेना सचिव कॅप्टन अभिजित अडसूळ, राजस्थानचे शिवसेना राज्य प्रमुख लखनसिंह पंवार, शिवसेना सचिव सुशांत शेलार, उपनेत्या सौ.कला शिंदे, विभागप्रमुख संध्या वढावकर आणि पदाधिकारी उपस्थित होते.
