नाशिक (इंडिया दर्पण वृत्तसेवा)- मखमलाबाद रोडवरील म्हाळसा वजनकाटा भागात रस्त्याने पायी जाणा-या महिलेच्या गळयातील सुमारे दीड लाख रूपये किमतीची सोन्याची पोत दुचाकीस्वार भामट्यांनी ओरबाडून नेली. ही घटना घडली. याप्रकरणी म्हसरूळ पोलीस ठाण्यात जबरीचोरीचा गुन्हा दाखल करण्यात आला आहे.
वर्षा कैलास तरवारे (रा.एरिकेशन कॉलनी,स्वामी विवेकानंदनगर) यांनी याबाबत फिर्याद दिली आहे. तरवारे या गुरूवारी (दि.१४) रात्री जेवण आटोपून फेरफटका मारण्यासाठी घराबाहेर पडल्या असता ही घटना घडली.
परिसरातील म्हाळसा वजन काट्यासमोरून त्या पायी जात असतांना दुचाकीवर आलेल्या भामट्यांनी त्यांच्या गळयातील १ लाख ४५ हजार रूपये किमतीची सोन्याची पोत हिसकावून नेली. अधिक तपास उपनिरीक्षक हाके करीत आहेत.
