नाशिक (इंडिया दर्पण वृत्तसेवा)- काठेगल्ली सिग्नल भागात पार्क केलेल्या कारमधून चोरट्यानी रोकड असलेली बॅग चोरून नेली. बॅगमध्ये पावणे दोन लाखाच्या रोकडसह महत्वाची कागदपत्र होती. याप्रकरणी भद्रकाली पोलीस ठाण्यात चोरीचा गुन्हा दाखल करण्यात आला आहे.
नंदू वाल्मिक सावंत (रा.बोधलेनगर) यांनी फिर्याद दिली आहे.सावंत शनिवारी (दि.२) द्वारका भागात गेले होते. काठेगल्ली सिग्नलजवळील कोटक बँकेसमोर त्यांनी आपली कार पार्क केली असता ही घटना घडली.
अज्ञात चोरट्यांनी कारचा दरवाजा कशाने तरी उघडून हॅण्ड बॅग चोरून नेली. याबॅगेत १ लाख ७५ हजाराची रोकड व महत्वाची कागदपत्र होती. अधिक तपास हवालदार महाले करीत आहेत.
