नाशिक (इंडिया दर्पण वृत्तसेवा) – भरदिवसा झालेल्या घरफोडीत चोरट्यांनी सुमारे तीन लाखाच्या ऐवज लंपास केले. देवळाली कॅम्प रोडवरील वडनेर दुमाला भागात भागात ही घरफोडी झाली.
या घरफोडीत एक लाखाच्या रोकडसह सोन्याचांदीच्या दागिण्यांचा समावेश आहे. याप्रकरणी उपनगर पोलीस ठाण्यात घरफोडीचा गुन्हा दाखल करण्यात आला आहे. दिपचंद्र रामदेव रॉय (रा.इंद्रदिप बंगलो,वडनेर दुमाला) यांनी फिर्याद दिली आहे.
रॉय कुटुंबिय गुरूवारी (दि.१५) दुपारच्या सुमारास अल्पशा कामानिमित्त घराबाहेर पडले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून बेडरूम मधील कपाटातून रोकडसह सोन्याचांदीचे दागिणे असा सुमारे तीन लाखाचा ऐवज चोरून नेला. अधिक तपास उपनिरीक्षक सपकाळे करीत आहेत.
