मनमाड (इंडिया दर्पण वृत्तसेवा) – शहरातील रेल्वे स्टेशन परिसरातील डॉ.बाबासाहेब आंबेडकर यांचा पूर्णाकृर्ती पुतळयाचा अनावरण सोहळा आमदार सुहास कांदे व जगविख्यात भंदते डॉ.राहूल बोधीजी यांच्या उपस्थितीत संपन्न झाला. या सोहळ्याला माजी नगराध्यक्ष राजेंद्र पगारे, राजेंद्र आहिरे यांच्यासह मोठ्या संख्येने नागरिक उपस्थितीत होते.
गेल्या चाळीस वर्षापासून पूर्णाकृती पुतळा उभारावा अशी मागणी होत असतांना शासनाच्या परवानगीमुळे तो होऊन शकला नाही. मात्र आमदार कांदे यांनी केलेल्या पाठपुरवठ्यामुळे आज माता रमाई यांच्या जयंतीचे औचित्य साधत या पुतळ्याचे अनावरण सोहळा होऊन त्याचे लोकार्पण करण्यात आले.
यावेळी हेलिकॅाप्टर मधून पुतळ्यावर पुष्पवृष्टी करण्यात आली. अनावरण सोहळ्याला मोठ्या प्रमाणावर सर्व स्तरातील नागरिक उपस्थित होते. त्यानंतर अनेकांनी डीजेच्या तालावर नाचत या सोहळ्याचा आनंद लूटला.
