इंडिया दर्पण ऑनलाईन डेस्क – प्रत्येक पालकाला आपल्या मुला-मुलींच्या भविष्याची चिंता असते. त्यासाठी बहुतांश जण बचत करत असतात. परंतु त्यातही पोस्ट ऑफिसच्या अनेक योजना मध्ये बचत केल्यास त्याचा चांगला लाभ किंवा फायदा मिळू शकतो. मुलींचे भविष्य सुरक्षित करण्यासाठी पोस्ट ऑफिसच्या सर्वोत्तम योजनांपैकी एक म्हणजे सुकन्या समृद्धी योजना होय.
सर्वसामान्यांना दिलासा देत केंद्र सरकारने पोस्ट ऑफिस स्मॉल सेव्हिंग स्कीमच्या व्याजदरात कपात न करता स्थिर ठेवली आहे. अशा परिस्थितीत आजही पोस्ट ऑफिसची अल्पबचत योजना सर्वसामान्यांसाठी कमावणारी आहे. विशेषतः सुकन्या समृद्धी योजना होय. कमी पैसे गुंतवूनही मुलींसाठी तयार करण्यात आलेल्या या योजनेत चांगला निधी गोळा केला जाऊ शकतो. जेणेकरून आपल्या मुलीला लग्न, अभ्यास आणि इतर खर्चाच्या काळजीतून मुक्तता मिळेल.
या योजनेत दीर्घ कालावधीसाठी गुंतवणूक करावी लागेल. जर तुमच्या मुलीच्या नावावर दररोज 131 रुपये वाचवत असाल तर 21 वर्षांनंतर हा निधी 20 लाख रुपयांपर्यंत जमा करू शकता. यासाठी 21 वर्षाची होण्याची वाट पाहावी लागेल. वयाच्या एका वर्षापासून गुंतवणूक करून, मुलगी 21 वर्षांची झाल्यावर तिला संपूर्ण निधी मिळेल.
मुलींचे भविष्य सुरक्षित करण्यासाठी पोस्ट ऑफिसच्या सर्वोत्तम योजनांपैकी एक. या योजनेत मुलीच्या एका वर्षापासून ते 10 वर्षांपर्यंत खाते उघडता येते. या योजनेत तुम्ही वार्षिक किमान 250 रुपये आणि जास्तीत जास्त 1.5 लाख रुपये जमा केल्यास, 20 वर्षांनंतर, मॅच्युरिटी म्हणजेच परिपक्वतेच्या वेळी पूर्ण रक्कम मिळेल. तसेच, या योजनेचा लॉक-इन कालावधी मुलीच्या वयाच्या 18 वर्षांपर्यंत असतो. त्यानंतर मुलगी योजनेच्या एकूण योजनेच्या 50 टक्के रक्कम काढू शकते. वयाच्या 21व्या वर्षापर्यंत संपूर्ण रुपये काढता येतात.
विशेष गोष्ट अशी आहे की, मुलगी 21 वर्ष पूर्ण करेपर्यंत या योजनेत पैसे जमा करावे लागणार नाहीत. कारण खाते उघडल्याच्या तारखेपासून 15 वर्षांपर्यंत पैसे जमा करावे लागतील. त्यानंतर मुलगी 21 वर्षांची होईपर्यंत व्याज चालू राहील. या योजनेतील वार्षिक दर 7.6 टक्के आहे. भविष्य निर्वाह निधीतही बँका इतके व्याज देत नाहीत. दोन मुली असलेल्या पालकांना या योजनेचा लाभ मिळू शकतो. दोन मुली जुळ्या असतील तर तीन मुलींना लाभ मिळू शकतो.
या योजनेत गुंतवणूक करण्यापूर्वी, तुम्हाला मुलीच्या वयाच्या 21 वर्षापर्यंत किती रक्कम हवी आहे याचा विचार करावा लागेल. तुम्ही जितक्या लवकर या योजनेत गुंतवणूक करायला सुरुवात कराल तितकी मॅच्युरिटी रक्कम जास्त असेल. तसे, ही योजना मुलीच्या वयाच्या 10 वर्षापासून सुरू करू शकता. त्यामुळे केवळ 11 वर्षांसाठीच गुंतवणूक करू शकाल. त्याच वेळी, जर तुम्ही 5 वर्षांच्या मुलीसाठी गुंतवणूक केली असेल, तर गुंतवणुकीचा कालावधी 16 वर्षांपर्यंत असेल. जर तुमच्या एका वर्षाच्या मुलीसाठी गुंतवणूक केली असेल तर सन 2042 पर्यंत तुम्हाला जास्तीत जास्त फायदा मिळू शकेल.
जर सन 2021 मध्ये एका वर्षाच्या मुलीसाठी गुंतवणूक करण्यास सुरुवात केली असेल, तर दररोज 131 रुपये गुंतवून तुम्ही खात्यात 3930 रुपये टाकाल. जे वर्षभरात 47160 रुपये होईल. सलग 15 वर्षे गुंतवणूक केल्यानंतर, तुम्ही एकूण 7,07,400 रुपयांची गुंतवणूक कराल. 7.6 टक्के वार्षिक व्याज दराने, तुम्हाला एकूण 12,93,805 रुपये व्याज मिळेल. म्हणजेच 2042 पर्यंत, मुलगी 21 वर्षांची होईल, तेव्हा तिची एकूण रक्कम 20,01,205 रुपये होईल.
