मुंबई (इंडिया दर्पण वृत्तसेवा) – हिंडनबर्गने संशोधन अहवालातून अदानी समूहासंदर्भात केलेल्या आरोपानंतर भारतीय शेअर बाजारात त्सुनामी आली. गुंतवणूकदारांनी दोन दिवसांत कोट्यवधी रुपये गमावले. हिंडनबर्गच्या आरोपांना अदानी समूहाकडून 413 पानांचे उत्तर देण्यात आले आहे.
हिंडनबर्गचे आरोप म्हणजे भारतावरील हल्ला असल्याचा उल्लेख अदानी समूहाने पत्रातून केला आहे. 24 जानेवारीचा ‘मॅडऑफ्स ऑफ मॅनहट्टन’ हिंडनबर्ग रिसर्चचा अहवाल वाचून आम्हाला धक्का बसला आहे. हा खोटा अहवाल असून त्यामुळे अत्यंत अस्वस्थ झालो आहोत. हिंडनबर्गचे दस्तऐवज निवडक चुकीच्या माहितीचे एका वाईट हेतूने केलेले संयोजन आहे. यात एका विशिष्ट उद्देशाने समूहाला बदनाम करण्यासाठी निराधार आरोप करण्यात आले असल्याचा आरोप पत्रातून करण्यात आला आहे.
पैसा छापण्यासाठी गुंतवणूकदारांचे नुसकान
गुंतवणूकदारांचे नुकसान करत शॉर्ट सेलिंगच्या माध्यमाने मोठा नफा कमावण्यासाठी हिंडनबर्ग सिक्युरिटीज एक खोटा बाजार तयार करण्याचा प्रयत्न करत आहे. हा अत्यंत चिंतेचा विषय आहे की, कुठल्याही विश्वसनियते शिवाय अथवा एथिक्सपासून हजारो मैल दूर असलेल्या एका संस्थेच्या विधानाने आपल्या गुंतवणूकदारांवर गंभीर परिणाम झाला आहे. या अहवालाचा वाईट हेतू त्याच्या वेळेवरूनही स्पष्ट होतो. अदानी एंटरप्रायजेस इक्विटी शेअर्सचा देशातील सर्वात मोठा एफपीओ घेऊन येण्याच्या तयारीत असतानाच हा अहवाल ठरवून आणण्यात आला आहे.
नियोजित हल्ला
हा केवळ एखाद्या विशिष्ट कंपनीवर करण्यात आलेला अवास्तव हल्ला नाही. तर भारत आणि भारतातील स्थंस्थांनांचे स्वातंत्र्य, अखंडता, गुणवत्ता तसेच भारताच्या विकासाची गाथा आणि देशाच्या महत्त्वाकांक्षेवर नियोजित हल्ला असल्याचा दावा अदानी समूहाने केला आहे.
हिंडनबर्ग रिपोर्टवर गंभीर ताशेरे
खोटी कहाणी पसरवण्यासाठी आधीपासूनच पब्लिक डोमेनमधील प्रकरणांचे सिलेक्टिव्ह आणि मॅनिपुलेटिव्ह प्रेझेंटेशन करण्यात आले. लिगल आणि अकाउंटिंग स्टँडर्ड्स आणि इंडस्ट्री प्रॅक्टिसचे पूर्ण अज्ञान अथवा जाणूनबुजून अवहेलना केली गेली. नियामक आणि न्यायव्यवस्थेसह भारतीय संस्थांचा पूर्णपणे अवमान करण्यात आल्याचे अदानी समूहाने म्हटले आहे.
Hindenburg Report Adani Group Industry Answer
