पुणे – आजच्या आधुनिक काळात छायाचित्रण म्हणजेच फोटोग्राफी मध्ये अनेक प्रकारचे नवनवीन तंत्रज्ञान विकसित होत आहे. पूर्वीच्या काळी फोटोग्राफी म्हणजे कृष्णधवल म्हणजेच ब्लॅक अँड व्हाईट छायाचित्र काढले जात असे. परंतु त्यानंतर रंगीत फोटोग्राफीचा जमाना आला. पूर्वी विविध कॅमेऱ्याच्या साह्याने फोटोग्राफी केली जात असे, परंतु आता मोबाईल मधील कॅमेऱ्याने फोटो काढण्यात येतात.
गुगल सारख्या कंपन्यांनी फोटो आणि फोटो एडिटिंग विषयीची विकसित केले आहेत यामध्ये कालानुरूप वेगवेगळे बदल होत आहेत तंत्रज्ञान कंपनी गुगल ने गेल्या वर्षी पिक्सेल स्मार्टफोन वापरकर्त्यांसाठी फोटोजमध्ये मशिन लर्निंग गुगल फोटोजवर चालणारे एडिटिंग टूल सादर केले होते. आता कंपनीने आयओएस अॅप ( iOS ) वापरकर्त्यांसाठी पोर्ट्रेट लाइट, ब्लर आणि स्मार्ट सजेशनसह अनेक एडीटींग (संपादन ) साधने दिली आहेत. तथापि, ही साधने घेण्यासाठी वापरकर्त्यांना गुगल वनचे सदस्यत्व खरेदी करावे लागेल.
कोणत्या नवीन टूल्सना गुगल फोटोज मध्ये स्थान मिळाले आहे, ते जाणून घेऊ…
पोर्ट्रेट लाइट
हे साधन अॅप वापरकर्त्यांना फोटोंमध्ये कृत्रिम लाईट (प्रकाश ) जोडण्याची परवानगी देते. याशिवाय अॅप वापरकर्ते या टूलद्वारे स्वतःच्या चित्रानुसार ब्राइटनेस सेट करू शकतात. या टूलचा अॅप वापरकर्त्यांना खूप उपयोग होईल, असा विश्वास गुगल कंपनीने व्यक्त केला आहे.
ब्लर
या टूलद्वारे अॅप वापरकर्ते त्यांच्या फोटो किंवा चित्राच्या पार्श्वभूमीत अस्पष्टता जोडू शकतात म्हणजे ब्लर करू शकतात, त्यामुळे पुढील चित्र किंवा फोटो अधिक स्पष्ट आणि उठावदार होऊ शकतो.
कलर फोकस
या टूलच्या मदतीने अॅप वापरकर्ते पार्श्वभूमी डिसॅच्युरेट करू शकतात तसेच अग्रभाग रंगीबेरंगी बनवू शकतात. यामुळे चित्रात किंवा फोटोत मेन असलेला विषय स्पष्ट किंवा चकाचकपणे समोर येतो.
स्मार्ट सूचना
स्मार्ट सूचना हे अॅप वापरकर्त्यांना प्रत्येक फोटोच्या तपशिलानुसार एडीट (संपादन ) करण्याचे सुचवते, जेणेकरून वापरकर्ते तो फोटो सहज एडीट करू शकतील आणि त्याला आणखी आकर्षक बनवू शकतील.
एचडीआर
अॅप वापरकर्ते या टूलद्वारे त्यांच्या फोटोंचा ब्राइटनेस आणि कॉन्ट्रास्ट वाढवू शकतात. यामुळे यूजर्सचे फोटो आणखी आकर्षक होतील, असे गुगल कंपनीचे म्हणणे आहे.
स्काय
या टूलच्या मदतीने यूजर्स फोटोमधील स्काय(आकाश ) एडिट करू शकतात. या व्यतिरिक्त, वापरकर्त्यांना रंग आणि कॉन्ट्रास्ट छान-ट्यून करण्यासाठी सेटिंग मिळेल, त्यामुळे फोटो उत्कृष्ट होईल.
दरम्यान, गुगलद्वारे ऑफर केलेली सर्व साधने वापरण्यासाठी, वापरकर्त्यांच्या उपकरणांमध्ये किमान 3GB रॅम आणि iOS 14.0 वर असणे आवश्यक आहे. तसेच, वापरकर्त्यांना गुगल वन सदस्यत्व पॅक खरेदी करावा लागेल.