इंडिया दर्पण ऑनलाईन डेस्क – धार्मिक कार्यासाठी दानधर्म करणाऱ्यांची कमतरता नाही, पण काही जण ऐपत असेल तितकेच दान देतात. एका भाविकाने मात्र देवीच्या जागरणासाठी चक्क आपली शेतजमीनच विकली. उत्तर प्रदेशातील मुरादाबादमध्ये देवीचे भक्त असलेल्या एका कुटुंबाने आपली जमीन विकून त्यातून आलेल्या पैशांमधून भव्य जागरण सोहळा आयोजित केल्याची घटना घडली आहे. त्याची सध्या देशभरात जोरदार चर्चा होत आहे.
दानशूर कुटुंबाने ते पैसे देवीसाठी समर्पित केले. यावेळी देवीचा जागर करण्यासाठी खास प्रसिद्ध गायिका अनुराधा पौडवाल यांना आमंत्रित करण्यात आलं होतं. हा सोहळा पाहण्यासाठी तो नागरिकांनी खूप गर्दी केली होती. मात्र देवीच्या जागरणासाठी एवढी गर्दी झाली की पुढे गर्दीला पांगवण्यासाठी पोलिसांना जास्त कुमक मागवावी लागली.
मुळात शेतकरी असलेल्या चंद्र प्रकाश हे देवीचं खूप मोठे भक्त आहेत. त्यांना जागरण सोहळा आयोजित करायचा होता. यासाठी पैशांची कमतरता होती. पैशांची चणचण असल्याने सोहळा करणं शक्य होत नव्हतं. त्यामुळे वडिलोपार्जित १२० बिघा जमिनीपैकी १५ बिघा जमीन त्यांना विकली. ही जमीन विकून त्यांना ४५ लाख रुपये मिळाले. या पैशांमधून त्यांना कार्यक्रम आयोजित केला. यासाठी खास अनुराधा पौडवाल यांना आमंत्रण देण्यात आले.
विशेष म्हणजे प्रसिद्ध गायिका अनुराधा पौडवाल यांनी या कार्यक्रमात भजन गायलं. भाविक देखील मंत्रमुग्ध होऊन ऐकत होते. शेतकऱ्याची सर्वत्र चर्चा रंगली होती. कारण त्याने जमीन विकून हा कार्यक्रम आयोजित केला होता. हे सगळं देवी मातेच्या आशीर्वादाने मिळालं आहे. त्यामुळे माता देवीसाठी खर्च केलं तर चिंता कसली असंही चंद्रप्रकाश यांनी म्हटलं आहे. अनुराधा पौडवाल यांच्या आगमनामुळे परिसरातील नागरिकांमध्ये उत्साह वाढल्याचं सांगितले जाते. दरम्यान या देवी जागरणमध्ये अनुराधा पौडवाल आल्याची माहिती मिळताच एवढा जमाव जमला की कोतवाली पोलिसांना आणखी मदत मागावी लागली. फौजफाट्यांच्या उपस्थितीत रात्री शांततेत जागरण पार पडला. आजूबाजूच्या गावातील नागरिकही इथे जमले होते, असे सांगितले जात आहे.
Farmer Sold Land for Devi Jagran Program
Uttar Pradesh Anuradha Paudwal
