पुणे (इंडिया दर्पण वृत्तसेवा) – प्रत्येक व्यक्तीला आजच्या काळात प्रत्येक व्यक्तीला पॅन, मोबाईल नंबर, ईमेल आयडी याची माहिती बँक तसेच शासकीय विभागांना देणे आवश्यक असते. त्याचप्रमाणे बाजार नियामक सेबीने गुंतवणूकदारांना सुविधा आणि सुरक्षिततेसाठी डिमॅट खात्यात सदर माहिती देणे बंधनकारक केले आहे. त्यामुळे जर तुमचे डिमॅट खाते असेल तर तुमच्यासाठी महत्त्वाचे वृत्त आहे.
कोरोनाच्या काळात गुंतवणूकदारांचा शेअर बाजाराकडे कल झपाट्याने वाढला आहे. तुमच्याकडे डिमॅट आणि ट्रेडिंग खाते असल्यास येत्या ३१ मार्च २०२२ पर्यंत तुमच्या डिमॅट आणि ट्रेडिंग खात्याचे केवायसी करावे लागेल, अन्यथा म्युच्युअल फंड बाजारात इक्विटी फंड किंवा शेअर्सची खरेदी आणि विक्री करू शकणार नाही. NAE च्या मते, चालू आर्थिक वर्षात चार महिन्यांपेक्षा कमी कालावधीत ५ दशलक्षाहून अधिक नवीन गुंतवणूकदारांनी त्याच्या प्लॅटफॉर्मवर नोंदणी केली आहे. म्युच्युअल फंडांच्या डेट फंडांना डिमॅट खात्याची आवश्यकता नसते. परंतु इक्विटी-लिंक्ड म्युच्युअल फंड, क्विटी लिंक्ड स्कीम्स (ELSS) आणि इतर इक्विटी फंडांमध्ये गुंतवणूक करण्यासाठी, शेअर्समध्ये ट्रेडिंग करण्यासाठी डीमॅट खाते अनिवार्य आहे. तसेच NSDL नुसार, डीमॅट आणि ट्रेडिंग खाती धारण करणाऱ्या गुंतवणूकदारांना KYC प्रक्रियेअंतर्गत सहा निर्दिष्ट माहिती देणे आवश्यक आहे.
केवायसीमध्ये नाव, पत्ता, पॅन क्रमांक, मोबाईल क्रमांक, ई-मेल आयडी आणि वार्षिक उत्पन्न (उत्पन्न श्रेणी) बद्दल माहिती समाविष्ट आहे. तुम्ही डीमॅट आणि ट्रेडिंग खात्यामध्ये ही सर्व माहिती अपडेट न केल्यास हे खाते निष्क्रिय केले जाईल. तसेच दि. १ जून २०२१ नंतर उघडलेल्या सर्व डिमॅट खात्यांसाठी ही सहा माहिती देणे बंधनकारक करण्यात आले आहे. केवायसी अपडेट करण्यासाठी गुंतवणूकदारांना मार्च २०२२ अखेरपर्यंत वेळ देण्यात आला आहे. हे तपशील अपडेट न केल्यास, तुमचे डिमॅट खाते निष्क्रिय केले जाईल. या प्रकरणात, ही माहिती अॅपडेट केल्यानंतरच ते पुन्हा सुरू केले जाईल.
