मुंबई (इंडिया दर्पण वृत्तसेवा) – पोटच्या लेकीकडे वाईट नजरेने बघणाऱ्या स्वत:च्या पतीला प्रियकराच्या पत्नीने संपविण्याचा प्रकार धुळ्यात घडला आहे. या घटनेने सर्वत्र खळबळ उडाली आहे. केवळ संशयाच्या आधारावर पत्नीने केलेल्या कृत्याने अवघा संसार मोडल्याची भावना व्यक्त होत आहे.
संशयाच्या आधारावर स्वत:च्या पतीचा खून करण्याच्या धक्कादायक प्रकाराने समाजमन सुन्न झाले आहे. मृत्यू झालेल्या तरुणाचे नाव मुकेश राजाराम बारेला असे आहे. तो मध्य प्रदेशातील सेंधवा तालुक्यातील चाचऱ्या येथे राहायचा. मुकेश बारेला हा गेल्या दोन वर्षांपासून त्याच्या पत्नीपासून वेगळा राहत होता. मुकेश बारेला याला एक मुलगा आणि एक मुलगी होती. मात्र, मुकेश बारेला हा या मुलीकडे वेगळ्या नजरेने पाहत असल्याच्या संशयातून त्याच्या पत्नीने त्याचा काटा काढल्याचा प्रकार पुढे आला आहे.
याप्रकरणी मयत मुकेश बारेला याच्या पत्नीला ताब्यात घेण्यात आले आहे. चौकशीतून सुशील उर्फ मुसल्या जयराम पावरा, दिनेश उर्फ गोल्या वसुदेव कोळी आणि जितू उर्फ तुंगऱ्या लकडे पावरा या तिघांचा खून प्रकरणात संबंध असल्याची बाब निदर्शनास आली. संबंधित आरोपींना गुजरात राज्यातील पोरबंदर येथून पोलीस पथकाने बेड्या ठोकल्या आहेत.
बसच्या तिकीटाने लागला सुगावा
धुळ्यात मुकेश बारला याचा मृतदेह सापडला तेव्हा नेमकी ही व्यक्ती कोण आहे याबाबत कुठलाही पुरावा उपलब्ध नव्हता. मात्र, त्याच्या शर्टच्या खिशातील बसच्या तिकीटमुळे संपूर्ण प्रकरणाचा तपास सुरू झाला.
Dhule Police Crime Investigation Murder
