नाशिक : बोधलेनगर भागात भरदिवसा झालेल्या धाडसी घरफोडीत चोरट्यांनी सुमारे दीड लाख्याच्या ऐवजावर डल्ला मारला. त्यास रोकडसह सोन्याचे बिस्कीट आणि नाण्यांचा समावेश आहे. याप्रकरणी उपनगर पोलीस ठाण्यात घरफोडीचा गुन्हा दाखल करण्यात आला आहे. अमिशा भरत नागदेव (रा.कोनार्क फोर्च्युन तपोवन रोड,मेट्रो मॉल मागे) यांनी याप्रकरणी तक्रार दाखल केली आहे. नागदेव कुटूंबिय शुक्रवारी (दि.३) सकाळच्या सुमारास कामानिमित्त घराबाहेर पडले असता ही घटना घडली. अज्ञात चोरट्यांनी भरदिवसा त्यांच्या फ्लॅटचे लॅचलॉक तोडून बेडरूममधील कपाटातून एक लाखाची रोकड,सोन्याचे बिस्कट आणि नाणी असा सुमारे १ लाख ३७ हजार ५०० रूपयांचा ऐवज चोरून नेला. अधिक तपास उपनिरीक्षक ए.बी.पाटील करीत आहेत.
