नाशिक : एटीएम बुथमधील मशिन फोडण्याचा प्रयत्न करणा-याला पंचवटी कारंजा भागात एकाला स्थानिक नागरिकांनी पोलिसांच्या स्वाधीन केले आहे. अचानक सायरन वाजल्याने स्थानिकांनी धाव घेतल्यामुळे हा चोर हाती लागला. जॉन एस.फद्दू (३५ रा.प्रकाशनगर,जिवाडा हैद्राबाद) असे अटक केलेल्या संशयिताचे नाव आहे. रविवारी दुपारच्या सुमारास ही घटना घडली. याप्रकरणी पंचवटी पोलिस ठाण्यात गुन्हा दाखल करण्यात आले आहे. रविवार कारंजा येथील पिंपळगाव को ऑप बँकेच्या पंचवटी शाखेजवळ असलेल्या एटीएम बुथमध्ये प्रवेश करीत संशयिताने मशिनमध्ये छेडछाड करून पैसे काढण्याचा प्रयत्न केला. मात्र अचानक सायरन वाजल्याने स्थानिकांनी धाव घेतली असता तो हाती लागला. नागरीकांनी चोप देत त्यास पोलिसांच्या स्वाधिन केले असून अधिक तपास पोलिस नाईक गुंबाडे करीत आहेत.
