मुंबई – मुख्यमंत्री एकनाथ शिंदे हे ३० जूलै रोजी नाशिक व औरंगाबाद दौ-यावर येणार असल्याची माहिती माजी मंत्री अब्दुल सत्तार यांनी दिली. ते औरंगाबाद येथील दौ-यासाठी विनंती करण्यासाठी गेले होते. यावेळेस त्यांना नाशिकच्या दौ-याची माहिती देण्यात आल्याचे त्यांनी सांगितले. तीन दिवसापूर्वी शिवसेना युवा नेते आदित्य ठाकरे यांचा नाशिक, औरंगाबाद दौरा झाला. त्यामुळे शिंदे यांच्या या दौ-याकडे सर्वांचे लक्ष लागले आहे. नाशिक जिल्ह्यातून खा. हेमंत गोडसे, मालेगाव बाह्य विधानसभा मतदार संघाचे आमदार दादा भुसे व नांदगाव विधानसभा मतदार संघाचे आमदार सुहास कांदे यांनी बंडखोरी करुन शिंदे गटात सामील झाले आहे. त्यामुळे या दौ-यात मोठे शक्तीप्रदर्शन सुध्दा करण्यात येणार आहे.
