चांदवड – तालुक्यातील पाटे येथे आज दुपारी दोन सख्ख्या भावांचा घरच्याच शेततळ्यात पडून दुर्दैवी मृत्यू झाला. या घटनेची माहिती पोलीस पाटील मच्छिंद्र कासव यांनी चांदवड पोलिस स्थानकाला दिली. उपजिल्हा रुग्णालयात शव विच्छेदन झाल्यानंतर रात्री शोकाकुल वातावरणात अंत्यसंस्कार करण्यात आले. आई-वडिलांना ही दोनच मुले असल्याने आई वडील पूर्णता पोरके झाल्याने परिसरात सर्वत्र हळहळ व्यक्त होत आहे .
पाटे येथील शेतकरी संजय किसन तळेकर यांचा मोठा मुलगा ओम संजय तळेकर वय १३ इयत्ता सातवी तर साहिल संजय तळेकर वय ११ इयत्ता पाचवी हे हे दोघे सख्खे भाऊ शेताचे शेजारील नाल्या लगत बकऱ्या चारण्यासाठी गेलेले असताना ते दोघे त्यांचे शेतातील शेततळ्यातील पाण्यात बुडून मृत्यू झाल्याची घटना घडली .पोलीस स्थानकात अकस्मात मृत्यूची नोंद झाली आहे.
