इंडिया दर्पण ऑनलाईन डेस्क – बॉलीवूडचा किंग खान म्हणजेच शाहरुख खानचा बहुचर्चित चित्रपट ‘पठाण’ २५ जानेवारी रोजी प्रदर्शित झाला. बॉक्स ऑफिसचे सगळे रेकॉर्ड या चित्रपटाने मोडीत काढले. चित्रपट प्रदर्शित होऊन दुसरा आठवडा सुरू झाला तरी ‘पठाण’ची क्रेज प्रेक्षकांमध्ये कायम आहे. यादरम्यान पठाणमधील एका सीनची सोशल मीडियावर चर्चा होत आहे. हा सीन मूळ चित्रपटातून हटवण्यात आल्याचा खुलासा लेखकाने केला आहे.
‘पठाण’चे लेखक श्रीधर राघवन यांनी नुकत्याच दिलेल्या एका मुलाखतीत चित्रपटाविषयी बरेच खुलासे केले आहेत. त्यांनी सांगितलं, “पठाणच्या ट्रेलरमध्ये तुम्ही शाहरुखचा एक टॉर्चर सीन पाहिला असेल. त्याची खूप चर्चा झाली होती. मात्र आता तुम्ही नीट लक्ष देऊन पाहिलं तर तो सीन तुम्हाला पठाण चित्रपटात दिसला नसेल. चित्रपटाच्या सुरुवातीला शाहरुखच्या एण्ट्रीच्या आधी हा सीन होता. ट्रेलरमध्ये हेच दाखवण्यात आलं आहे. मात्र निर्मात्यांशी चर्चा झाल्यानंतर हा सीन हटवण्यात आला.”
“कॅरेक्टरच्या बॅकस्टोरीच्या आधारावर आम्ही त्या सीनला चित्रपटातून हटवण्याचा निर्णय घेतला. JOCR स्क्वाडच्या प्रत्येक भूमिकेमागे आम्ही मोठी बॅकस्टोरी लिहिली होती. मात्र चित्रपटात याची फारशी गरज नव्हती. अशा प्रकारचे इतरही काही सीन्स होते, जे लिहिले होते, मात्र त्यांना फायनल करण्यात आले नाही”, असं ते म्हणाले. श्रीधर राघवन यांनी हेसुद्धा सांगितलं की शाहरुखने अभिनेत्यासोबत एक लेखक म्हणूनही पठाण चित्रपटासाठी १०० टक्के पूर्णपणे मेहनत घेतली आहे. जेव्हा मी या चित्रपटाची कथा लिहिली तेव्हा शाहरुखनेही ‘पठाण’साठी ७० ते १०० पानी कथा लिहिल्याचे मला कळले, आणि मी चकित झालो.
हॉस्पीटलमध्ये राहून नॉन सर्व्हिस आर्मी अधिकाऱ्याची टीम सेट करण्याची कल्पनासुद्धा शाहरुखचीच होती, असाही खुलासा श्रीधर यांनी केला. इतकंच नव्हे तर शेवटचा सलमान आणि शाहरुखचा सीनसुद्धा श्रीधर यांनी लिहिली नव्हती. “शेवटच्या सीनमध्ये शाहरुख आणि सलमान एकमेकांशी बोलत असतात. हा सीन देखील माझा नाही. माझ्या स्क्रिप्टच्या ड्राफ्टमध्ये तो सीन नव्हता. नंतर तो आदित्य चोप्रा सरांनी लिहिला होता”, असंही त्यांनी सांगितलं.
Bollywood Movie Pathaan Scene Removed
