सर्वात स्वस्त आयफोन आणि नवीन आयपॅड या तारखेला होणार लॉन्च

इंडिया दर्पण ऑनलाईन डेस्क – सध्या अनेक अत्याधुनिक स्मार्टफोन लॉन्च होत आहेत, तरुणाईमध्ये या स्मार्टफोनची मोठी क्रेझ दिसून येत आहे. त्यातच आता अॅपलचा स्वस्त स्मार्टफोन लवकरच भारतात लॉन्च होणार आहे. तसेच अपडेटेड आयपॅडही लॉन्च केला जाऊ शकतो. एका अहवालानुसार, Apple iPhone SE 5G आणि iPad भारतात दि. 8 मार्च 2022 रोजी लॉन्च केले जाऊ शकतात. iPhone SE 5G लाँच करण्याची घोषणा कंपनीने केली नसली तरी. iPhone SE 5G च्या लॉन्चिंगचे तपशील बर्‍याच दिवसांपासून लीक होत आहेत. त्याचे iPhone SE 5G मॉडेल लॉन्च करून, Apple कमी बजेटमध्ये आयफोन खरेदी करण्याचे भारतीय ग्राहकांचे स्वप्न पूर्ण होणार आहे.

या अहवालानुसार, नवीन iPhone SE 5G मॉडेल हा गेल्या दोन वर्षांत iPhone SE मॉडेलचा पहिला अपडेट केलेला स्मार्टफोन असेल. याव्यतिरिक्त, हा स्मार्टफोन 5G नेटवर्क क्षमतेसह सुधारित कॅमेरा आणि वेगवान प्रोसेसरसह येईल. Apple ने ऑक्टोबरमध्ये दोन नवीन MacBook Pro मॉडेल लाँच करण्याची घोषणा केली आहे. नवीन iPhone SE 5G स्मार्टफोन A15 CPU आणि 5G कनेक्टिव्हिटीने सुसज्ज असेल. या रिपोर्टनुसार, iPhone SE 5G मध्ये iOS ची नवीन ऐडीशन दिली जाऊ शकते, ती फास्ट फ्रेंडली फेशियल रिकग्निशन सपोर्टसह येईल. iPhone SE 3 ची किंमत 300 डॉलर्स म्हणजे जवळपास 22,500 रुपये असू शकते. तर नवीन iPad हा 500 म्हणजे सुमारे 37,400 रुपयांमध्ये देण्यात येईल. तसेच iPhone SE 5G स्मार्टफोन सध्याच्या मॉडेलप्रमाणे 4.7-इंचाच्या डिस्प्लेसह सादर केला जाईल.

iPhone SE 5G स्मार्टफोन लाँच होण्यास एक महिन्याहून अधिक कालावधी बाकी आहे. मात्र उत्पादनास उशीर झाल्यामुळे अॅपल आपल्या नियोजनात बदल करू शकते.क्युपर्टिनो कॅलिफोर्निया स्थित अॅपल सतत आपल्या स्मार्टफोनच्या किंमती कमी करण्यावर काम करत आहे. या प्रकरणात, अॅपलचा इन-हाउस चिपसेट खूप उपयुक्त ठरू शकतो. चिपसेटच्या कमतरतेची समस्या लवकरच दूर होईल. तसेच अॅपलने भारत व व्हिएतनामसारख्या देशांमध्ये आयफोनचे उत्पादन सुरू झाले आहे. अशा परिस्थितीत आयफोनचा उत्पादन खर्च कमी होण्याची अपेक्षा आहे.