काबुल (अफगाणिस्तान) – बरोबर तीन महिन्यापूर्वी ऑगस्ट २०२१मध्ये अफगाणिस्तानात झालेल्या राजकीय सत्तातंरानंतर तालिबान्यांनी काबुलवर कब्जा मिळवला, त्याचवेळी तत्कालीन राष्ट्राध्यक्ष अशरफ घनी यांनी पलायन केले होते. यासंदर्भातील अहवाल आता प्रसिद्ध झाला असून त्यांनी प्रचंड संपत्ती आणि रोख पैसे घेऊन परदेशात पलायन केल्याचे सिद्ध झाल्याचे या अहवालात म्हटले आहे. घनी यांनी मात्र या गोष्टीचा इंकार केला होता.
तालिबानच्या भीतीने अफगाणिस्तान मधून राष्ट्राध्यक्ष अशरफ घनी रोख भरलेल्या चार कार आणि हेलिकॉप्टर घेऊन काबूलहून निघाले, असा दावा अहवालात केला आहे. एजन्सीने रशियन न्यूज एजन्सी आरआयए आणि काही प्रत्यक्षदर्शींचा हवाला देऊन सांगितले की, अशरफ घनी यांना काही पैसे तसेच मागे सोडावे लागले कारण ते घेऊन जाण्यास ते असमर्थ होते.
काबूलमधील रशियन दूतावासाच्या प्रवक्त्या निकिता इंश्चेन्को यांनी सांगितले की, चार गाड्या रोखीने भरलेल्या होत्या. त्यानंतर काही रक्कम त्यांनी हेलिकॉप्टरमध्ये ठेवली. यानंतरही ते सर्व पैसे ठेवू शकले नाहीत आणि काही पैसे असेच सोडून गेले.एका प्रत्यक्षदर्शीकडून मिळालेल्या माहितीनुसार हे स्पष्ट झाले आहेत.
घनी हे ऑगस्ट महिन्यात देश सोडून गेल्याची माहिती अधिकाऱ्यांनी दिली. राष्ट्रपती अशरफ घनी आपल्या कुटुंबासह अबू धाबीमध्ये आहेत. संयुक्त अरब अमिराती (यूएई) च्या परराष्ट्र व्यवहार मंत्रालयाने या वृत्ताला दुजोरा दिला होता. मानवतेच्या आधारावर युएई राष्ट्रपती अशरफ घनी आणि त्यांच्या कुटुंबाला आश्रय देत आहे, असे यूएईने म्हटले होते. तालिबानने अफगाणिस्तानवर कब्जा केल्यानंतर राष्ट्राध्यक्ष अशरफ घनी हे देश सोडून पळाले, तेव्हा राजधानी काबूलमधून चार कार आणि रोख रकमेने भरलेल्या हेलिकॉप्टरसह देश सोडला.
विशेष म्हणजे चार कार पैशांनी भरलेल्या होत्या, त्यांनी पैशाचा काही बॉक्स हेलिकॉप्टरमध्ये भरण्याचा प्रयत्न केला, पण सर्व त्यांना बसवता आले नाही, त्यामुळे काही पैसे रस्त्यावर पडले होते. अशरफ घनी सध्या अज्ञातवासात आहेत. त्यानंतर ताजिकिस्तानमध्ये उतरण्यास परवानगी नाकारल्यानंतर घनी यांना घेऊन जाणारे विमान ओमानमध्ये असल्याचा दावा अहवालात करण्यात आला आहे. परंतु आता घनी हे अमेरिकेत असावेत असेही सांगण्यात आहे.
