इंडिया दर्पण ऑनलाईन डेस्क – मॉडेल, अभिनेत्री उर्फी जावेद तिच्या बिनधास्तपाणासाठी आणि त्याहीपेक्षा विचित्र कपड्यांसाठी नेहमीच चर्चेत असते. कमी कपडे घालून जास्तीत जास्त फोटो सोशल मीडियावर टाकण्यासाठी ती प्रसिद्ध आहे. चित्रविचित्र कपडे परिधान केलेले तिचे फोटोज चांगलेच व्हायरल होतात. आणि नेटकरी त्यावर भरूभरून प्रतिक्रियाही देत असतात. सेफ्टी पिन, वायर, सॅक, दोरी, काच अशा कोणत्याही वस्तूपासून ती आउटफिट्स बनवू शकते.
आता उर्फीने याहून विचित्र ड्रेस परिधान केल्याचं समोर आलं आहे. यावेळी उर्फी जावेदने तिच्या अंगावर कपडे किंवा इतर वस्तूंऐवजी चार्जर असलेला मोबाइल टांगला आहे. नेहमीप्रमाणे इंस्टाग्रामवर तिने स्वतःच तिचा हा नवा लूक शेअर केला आहे. या व्हिडिओमध्ये तिच्या अंगावर निव्वळ दोन फोन लटकलेले दिसत आहेत. यासोबतच तिने निळ्या रंगाचा कोटही घातला आहे.
निळ्या रंगाचा ब्लेझर आणि पँटसह मोबाइल आणि चार्जरच्या वायर्सनी बनवलेल्या बिकिनीचा उर्फी जावेदचा हा लूक सध्या चर्चेचा विषय ठरत आहे. नेहमीप्रमाणेच यावर युझर्सनी भरपूर कॉमेंट केल्या आहेत. अभिनेत्रीचा हा लूक चर्चेचा विषय ठरला आहे. या सगळ्यांवर कडी म्हणजे तिने व्हिडिओ शेअर करताना तिने “फुल चार्ज्ड” असेही कॅप्शनमध्ये लिहिले आहे. मग काय युझर्सना यावर कमेंट करण्यासाठी मोठी संधीच मिळाली आहे. या व्हिडिओवर लोक वेगवेगळ्या प्रतिक्रिया देत आहेत.
या आउटफिटसाठी लोकांनी उर्फीला ट्रोल करायला सुरुवात केली आहे. अभिनेत्रीच्या या व्हिडीओवर एकाने कमेंट करत म्हटले आहे की, उर्फी ठार वेडी झाली आहे, तिने तिच्या सगळ्या मर्यादा ओलांडल्या आहेत.” दुसरा तर म्हणतो की, माझाही मोबाईल तू चार्ज करून दे. ‘बिग बॉस ओटीटी’च्या पहिल्या सीझनचा उर्फी ही भाग होती. ‘बिग बॉस’च्या घरात काही उर्फीचा जास्त दिवस निभाव लागला नाही. मात्र, या सगळ्या काळात तिने लोकांचे भरपूर भरपूर मनोरंजन केले.
Actress Urfi Javed Mobile Charger Bra Video Viral