इंडिया दर्पण ऑनलाईन डेस्क – छोट्या पडद्यावरुन अभिनयातील कारकिर्दीला सुरुवात केलेल्या अंकिताने चित्रपटांतही काम केलं आहे. कंगना रणौतच्या ‘मनिकर्णिका’ चित्रपटातही ती झळकली होती. अभिनेता सुशांत सिंह राजपूतबरोबर अंकिताचं नाव जोडलं होतं. परंतु, काही काळ रिलेशनशिपमध्ये राहिल्यानंतर ते एकमेकांपासून वेगळे झाले. त्यानंतर मूव्ह ऑन होत अंकिताने १४ डिसेंबर २०२१ रोजी उद्योजक विकी जैनशी लग्नगाठ बांधून नव्या आयुष्याला सुरुवात केली.
अंकिता लोखंडे मनोरंजन विश्वातील लोकप्रिय अभिनेत्री आहे. ‘पवित्र रिश्ता’ मालिकेतून प्रसिद्धीझोतात आलेल्या अंकिताने अभिनयाच्या जोरावर कलाविश्वात स्वत:चं वेगळं स्थान निर्माण केलं. सोशल मीडियावरही अंकिता सक्रिय असते. कामाव्यतिरिक्त आपल्या वैयक्तिक आयुष्याबाबतही अंकिता अनेकदा चाहत्यांना माहिती देत असते.
पती विकी जैनसह अंकिता सध्या सुट्टी एन्जॉय करते आहे. अंकिताने नुकताच तिच्या इन्स्टाग्राम अकाऊंटवरुन एक व्हिडीओ शेअर केला. एका हॉटेलमधील रुमचा हा व्हिडीओ आहे. या व्हिडीओमध्ये अंकिताचा पती विकीबरोबर हॉटेलमधील आलिशान रूममधील फोटो दिसतो आहे. अंकिताने शेअर केलेला हा व्हिडीओ सोशल मीडियावर चर्चेत आहे. या व्हिडीओमुळे नेटकऱ्यांनी अंकिताला ट्रोल केलं आहे.
“नवऱ्याच्या पैशावर उड्या मारते”, अशी कमेंट एकाने केली आहे. तर “पैसेवाल्याशी लग्न करण्याचा हाच फायदा आहे” असं दुसऱ्याने कमेंटमध्ये म्हटलं आहे. काहींनी सुशांत सिंह राजपूतवरुनही कमेंट केल्या आहेत. “सुशांतमध्ये काय कमी होतं? कदाचित त्याच्याकडे जास्त पैसा नसेल”, असं एका नेटकऱ्याने कमेंटमध्ये म्हटलं आहे.
Actress Ankita Lokhande Troll After Share Video
