नाशिक (इंडिया दर्पण वृत्तसेवा) – काट्या मारूती चौक भागात जेवण गरम करीत असतांना अचानक झालेल्या गॅसच्या भडक्यात गंभीर भाजलेल्या ४५ वर्षीय व्यक्तीचा मृत्यू झाला. संतोष सुरेश कानडे (रा.सदानंद पार्क,काट्या मारूती चौक,पंचवटी) असे मृत व्यक्तीचे नाव आहे. याप्रकरणी पंचवटी पोलिस ठाण्यात मृत्यूची नोंद करण्यात आली आहे. कानडे रविवारी (दि.२५) रात्री जेवण गरम करीत असतांना ही घटना घडली होती. अचानक गॅसचा भडका उडाल्याने ते गंभीर भाजले होते. कुटुंबियांनी त्यांना तात्काळ जिल्हा रूग्णालयात दाखल केले असता उपचारादरम्यान वैद्यकीय सुत्रांनी मृत घोषीत केले. अधिक तपास पोलिस नाईक मोरे करीत आहेत.