पिपंळगाव बसवंत – येथील अमी जीवदया संस्थेद्वारे जगातील सर्वात मोठ बर्ड फीडर तैय्यार कऱण्यात आले आहे. १५४३ पाऊंड (७०० किलो) धान्य बसेल इतके अजस्त्र बर्ड फीडर असून याची नोंद गिनीज वर्ड रिकार्डस मध्ये झाली आहे. वाढते शहर व वाढते प्रदुषण यामुळे चिमण्या नामशेष होण्याच्या मार्गावर आहे. त्यांचे संवर्धन व्हावे, त्यांचा किलबिलाट वाढावा, त्यांना खाण्यासाठी धान्य मिळावे या हेतुने हे बर्ड फीडर बनविण्यात आले आहे. या विश्वविक्रमाद्वारे द्वारे जगभरात हा संदेश पोहचविण्याचा प्रयत्न आहे.
अमी जीवदया ही संस्था २००९ पासून पशुसंवर्धनासाठी काम करीत आहे. या अगोदर हा विक्रम अमेरिकेतील वेस्ट वर्जिनिया येथील विल्यम डान ग्रीने या रिटायर्ड शिक्षकाने ७६० पाऊंड (३४५ किलो) धान्य बसेल एवढे मोठे बर्ड फीडर बनविले होते, त्यांची नोंद गिनीज वर्ल्ड रिकार्डस मध्ये होती. तो रिकार्ड मोडुन आता १५४३ पाऊंड (७०० किलो) चे बर्ड फीडर ची नोंद झालेली आहे.
अमी जीवदया संस्थेचे अध्यक्ष पिंपळगाव येथील हरीश हिरालाल शाह यांनी सांगितले कि, एवढे मोठे बर्ड फीडर बवनिणे हे आमच्या कुवतीच्या बाहेर होते, परंतु अनेक लोकांच्या सहकार्यांने ते संपन्न झाले. यामध्ये आकर्टेक्ट म्हणुन योगेश वाघचौर नाशिक यांनी डिजाईन करुन दिली ज्यामध्ये ७५ किलो धान्य बसत होते. नंतर त्यामध्ये सुधारणा करुन या स्वरुपात बनविण्याचे ठरले. अंबड नासिक येथील दिलीप कोचचे मालक दिलीप व नागेश पिंगळे यांनी फ्रेबिकेशन करुन याला स्वरुप दिले. नाशिक येथील शुभम महाडिक यांनी यावर सुंदर अशी पेटिंग केली मनोज सोनी, शफिक शेख पिंपळगांव यांनी साक्षीदाराची भूमिका निभावली. स्मित शाह, अनिल माळी, संदीप बैरागी, प्रणव भोपाळे कोल्हापुर, शामलाल मिस्तरी, संजय आहेर(पोलिस), अमन शाह, तनवीर काझी यासहित माझ्या परिवारातील सर्वांनी मला या कार्यासाठी मदद केली. या बर्ड फीडर चे सर्व माहिती गिनीज वर्ड रिकार्डस संस्थेला पाठविली व त्यांनी ३० आँगस्ट २०२२ ला माझ्या बर्ड फीडर नोंद जगातील सर्वात मोठे बर्ड फीडर म्हणुन केली व त्याचा सर्टिफिकेट मला पाठविले, सदर बर्ड फीडर हे रानमाळा, पिपंळगांव येथे बघण्यासाठी ठेवलेले आहे. या फीडर ला १०८ खिडक्या असून त्यामध्ये दिवसभरात हजारों पक्षी धान्य खाण्यासाठी येत आहेत.