अहमदनगर – माजी राज्यमंत्री शिवसेना उपनेते अनिल राठोड यांचे हृदयविकाराच्या तीव्र झटक्याने निधन झाले. राठोड यांनी पाच वेळा नगर शहर मतदारसंघाचे प्रतिनिधित्व करत येथील नागरिकांच्या अनेक प्रश्नांची सोडवणूक केली. नगर शहर व जिल्ह्यात शिवसेना पक्षाच्या जडणघडणीत त्यांचा मोलाचा वाटा होता. राज्यमंत्री म्हणून देखील त्यांनी कौशल्यपूर्ण कामे केली. अत्यंत लोकप्रिय असलेले राठोड यांच्या निधनाने कार्यतत्पर व्यक्तिमत्त्व काळाच्या पडद्याआड गेले आहे. राठोड यांच्या निधनाबद्दल अनेक मान्यवरांनी श्रद्धांजली व्यक्त केली आहे.
