चांदवड – मनमाड-लासलगाव रस्त्यावरील साळसाणे शिवारात दुचाकी आणि आयशर यांच्यात झालेल्या अपघातात एक जण ठार तर दोन जण जखमी झाले. मृत हा दुचाकीवरील आहे. कमलेश गोविंद चोळके (३४, लासलगाव) हे साळसाणे येथे बहिणीकडे रक्षाबंधनासाठी गेले होते. बहिण व भाच्याला घेऊन ते लासलगावकडे परतत असताना हा अपघात झाला. त्यात त्यांचा मृत्यू झाला. रक्षाबंधनाच्या दिवशीच ही घटना घडल्याने सर्वत्र हळहळ व्यक्त होत आहे.
