India Darpan Live
  • Home
  • राष्ट्रीय
  • राज्य
  • संमिश्र वार्ता
  • विशेष लेख
  • भेट थेट
  • व्यासपीठ
  • स्थानिक बातम्या
  • व्हिडीओ
  • क्राईम डायरी
  • वाणिज्य
  • Home
  • राष्ट्रीय
  • राज्य
  • संमिश्र वार्ता
  • विशेष लेख
  • भेट थेट
  • व्यासपीठ
  • स्थानिक बातम्या
  • व्हिडीओ
  • क्राईम डायरी
  • वाणिज्य
No Result
View All Result
India Darpan Live
No Result
View All Result

चीनने सीमेवर जमवली अण्वस्त्रे; भारतावर दबाव वाढविण्यासाठी खेळी

India Darpan by India Darpan
August 6, 2020
in राष्ट्रीय
0
फोटो - इंडिया टूडे आणि कर्नल विनायक भट यांच्या ट्विटर हँडलच्या सौजन्याने

फोटो - इंडिया टूडे आणि कर्नल विनायक भट यांच्या ट्विटर हँडलच्या सौजन्याने


भावेश ब्राह्मणकर

नवी दिल्ली – भारतावर आणखी दबाव वाढविण्यासाठी चीनने भारतीय सीमेलगत थेट अण्वस्त्रांची सज्जता केल्याची धक्कादायक बाब समोर आली आहे. काश्गर या हवाई तळावर चीनने ही तयारी केली असून तेथे अण्वस्त्रधारी लढाऊ विमानेही तैनात करण्यात आली आहेत. याचा मोठा परिणाम भारत आणि चीन यांच्यातील (यापूर्वीच बिघडलेल्या) संबंधांवर होणार आहे.

लडाखमधील गलवान खोऱ्यात वास्तविक नियंत्रण रेषेवरुन (एलएसी) गेल्या महिन्यापासून भारत आणि चीन यांच्यात मोठा वाद निर्माण झाला आहे. वादाचे पर्यवसन क्रूर हल्ल्यात झाले आणि त्यात २० भारतीय सैनिक शहीद झाले आहेत. चीनी सैनिकही ठार झाले असले तरी चीनने त्याबाबत वाच्यता केलेली नाही. सीमा वाद मिटविण्यासाठी वरिष्ठ लष्करी अधिकाऱ्यांमध्ये सध्या चर्चेच्या फैरी झडत आहेत. काही ठिकाणावरुन चीनने सैन्य मागे घेतले असले तरी अद्याप हा वाद पूर्णपणे मिटलेला नाही. अशातच चीनने आता थेट अण्वस्त्रांची तयारी केल्याची बाब पुढे येत आहे.

चीनचे माजी लष्करी अधिकारी यांग चेंगजून यांनी प्रसिद्ध केलेल्या अहवालानुसार, क्षेपणास्त्रविरोधी यंत्रणा चीनने सज्ज केली आहे. अण्वस्त्रधारी क्षेपणास्त्राला ओळखणे आणि त्याला प्रत्युत्तर देणारी अण्विक यंत्रणा चीनने पूर्णपणे तयार केली आहे. भारत किंवा अमेरिकेने अण्वस्त्रांचा वापर केला तर काही क्षणातच चीनकडून त्यास उत्तर दिले जाणार आहे, असे चेंगजून यांनी नमूद केले आहे.

ख्यातनाम स्तंभलेखक आणि सेवानिवृत्त कर्नल विनायक भट यांनी ‘इंडिया टुडे’त प्रसिद्ध केलेल्या संशोधन लेखात म्हटले आहे की, काराकोरम खिंडीपासून ४७५ किलोमीटर अंतरावर असलेल्या काश्गन हवाई तळावर चीनने अण्वस्त्रे आणून तळघरात ठेवली आहेत. लडाखमधील पेंगाँग सरोवराच्याठिकाणी असलेल्या फिंगर ४ पासून ६९० तर जगातील सर्वात उंच धावपट्टी असलेल्या दौलत बेग ओल्डी पासून ४९० किलोमीटर अंतरावर हे हवाई तळ आहे. उपग्रह आणि गुगल अर्थच्या सहाय्याने चीनची ही सज्जता स्पष्ट होत असल्याचे लेखात म्हटले आहे. या हवाई तळावर अणवस्त्रे वाहून नेणारी सहा लढाऊ विमाने (एच ६) सुद्धा तैनात करण्यात आली आहेत. आठ मीटर खोली असलेले बंकर तसेच तळघर येथे असून तेथे चीनने मोठी तयारी केली आहे. या हवाई तळाच्या गेल्या वर्षीच्या नोव्हेंबर आणि सद्यस्थितीच्या उपग्रह छायाचित्रांमधून चीनची रणनीती स्पष्ट होत आहे.

पहिल्यांदा अण्वस्त्रांचा वापर करणार नाही (नो फर्स्ट यूज) असे चीनचे अण्विक धोरण असले तरी चीन आता त्यावर ठाम राहिल की नाही, याबाबत अनेक तज्ज्ञांना साशंकता आहे. भारतीय हद्दीत घुसखोरी करणे किंवा दोन्ही देशातील सीमा क्षेत्रात निर्मनुष्य असलेल्या बफर झोन मध्ये आक्रमकपणे सैन्य तैनात करणे तसेच या भागात बांधकाम करण्याचा प्रकार हा चीनची पूर्वनियोजित खेळी असल्याचे मत वरिष्ठ संरक्षण अधिकाऱ्यांनी व्यक्त केले आहे. भारतानेही सीमा क्षेत्रात सैन्य तसेच शस्त्रास्त्रांची सज्जता केली आहे. मात्र, चीनने आता थेट अण्वस्त्रे तैनात केल्याने त्याचा परिणाम दोन्ही देशातील संबंधांवर होणार आहे. खास म्हणजे, एकीकडे लष्करी बोलणी करायची आणि दुसरीकडे सीमा क्षेत्रात लष्करी आणि सर्वच पातळीवर मोठी सज्जता करायची ही चीनी खेळी उघड होत आहे.

दरम्यान, चीनच्या अण्वस्त्र तयारीची दखल घेऊन भारताकडूनही जशास तसे उत्तर देण्यासाठी तयारी केली जाण्याची चिन्हे आहेत. त्यामुळे दोन्ही देशातील संबंध पूर्ववत होण्याची कुठलीही शक्यता सध्या तरी नसल्याचे मत संरक्षण क्षेत्रातील सूत्रांनी व्यक्त केले आहे.


Previous Post

युपीएससी निकालात मराठी झेंडा; महाराष्ट्रातील ९० हून अधिक उमेदवार यशस्वी

Next Post

ख्यातनाम नाट्यकर्मी, नॅशनल स्कूल ऑफ ड्रामाचे माजी संचालक, पद्मविभूषण इब्राहिम अल्काझी यांचे निधन

Next Post

ख्यातनाम नाट्यकर्मी, नॅशनल स्कूल ऑफ ड्रामाचे माजी संचालक, पद्मविभूषण इब्राहिम अल्काझी यांचे निधन

Leave a Reply Cancel reply

Your email address will not be published. Required fields are marked *

ताज्या बातम्या

राशीभविष्य

या व्यक्तींनी खर्चाची तयारी ठेवा, जाणून घ्या, शनिवार – ३० सप्टेंबर २०२३ चे राशिभविष्य

September 29, 2023
प्रातिनिधिक फोटो

धक्कादायक…..दिडोंरीत बलात्काराच्या गुन्हात अटक असलेला आरोपी नाशिकमध्ये पोलिसांच्या हातावर तुरी देत पळून गेला.. बघा…नेमकं काय घडलं

September 29, 2023

इंडिया दर्पण – हास्य षटकार – इंग्रजीचे महत्त्व

September 29, 2023

दिंडोरी तालुक्यात शाळेच्या आवारात झालेल्या गौतमी पाटीलचा डान्सचा कार्यक्रम वादात, शिक्षणमंत्र्यांनी घेतली गंभीर दखल

September 29, 2023
प्रातिनिधीक फोटो

मतदार यादीचे काम करतानाच शिक्षकाचा मृत्यू… जळगाव जिल्ह्यातील घटना…

September 29, 2023

कर्मयोगीनगरमध्ये अभूतपूर्व उत्साहात गणेश विसर्जन; तीन हजार आठशे मूर्ती, दोन ट्रॅक्टर निर्माल्य संकलन

September 29, 2023
  • Privacy Policy

© 2021 Indiadarpanlive Fast growing trustful news portal.

No Result
View All Result
  • Home
  • राष्ट्रीय
  • राज्य
  • संमिश्र वार्ता
  • विशेष लेख
  • भेट थेट
  • व्यासपीठ
  • स्थानिक बातम्या
  • व्हिडीओ
  • क्राईम डायरी
  • वाणिज्य

© 2021 Indiadarpanlive Fast growing trustful news portal.

Join WhatsApp Group