नाशिक – खासदार हेमंत गोडसे यांनी कोरोनावर विजय मिळविला आहे. त्यामुळे त्यांना अशोका हॉस्पिटलमधून घरी सोडण्यात आले आहे. त्यांचा कोरोना अहवाल निगेटिव्ह आल्याने हॉस्पिटलच्यावतीने त्यांना पुष्पगुच्छ देऊन शुभेच्छा देण्यात आल्या. हॉस्पिटलमध्ये असतानाही गोडसे नागरिकांच्या संपर्कात होते. अनेकांच्या अडी-अडचणी फोनद्वारे सोडविण्यास त्यांनी प्राधान्य दिले. दरम्यान, गोडसे हे आता घरी सात दिवस क्वारंटाईन राहणार आहेत. त्यामुळे ते बाहेरच्या व्यक्तींना भेटू शकणार नाहीत.
