येवला (इंडिया दर्पण वृत्तसेवा) – उत्सव प्रिय असलेल्या येवल्यात गेल्या दिडशे वर्षाची परंपरा जपत रंगपंचमीचे सामने मोठ्या जल्लोषात संपन्न झाले. शहरातील टिळक मैदान येथे हे सामने रंगले, दोन्ही बाजूने ट्रॅक्टरवर रंगांनी भरलेले ड्रम ठेवत तालीमसंघ, सामाजिक संस्थां, राजकीय पक्षाचे कार्यकर्ते एकमेकांच्या अंगावर सप्तरंगांची उधळण केली. या उत्साहात हजारो येवलेकरांनी या रंगांचे सामने पाहण्यासाठी गर्दी केली. टिळक चौकातील तासाभराच्या रंगांच्या सामन्यानंतर दुसरा रंगाचा सामना दारुगुत्ता रोडवर झाला.
