नाशिक (इंडिया दर्पण वृत्तसेवा) – श्री. व्यंकटेश बालाजी ब्रह्मोत्सवास उद्या सोमवार २६ सप्टेंबर २०२२ ,घटस्थापने च्या मुहूर्तावर सुरुवात होत आहे. सकाळी १० वा पुण्याहवाचन , घटस्थापना , श्रींची मंदिर परिक्रमा या कार्यक्रमांनी होईल. उद्या सिंह वाहनावर श्री आरुढ होतील.
सायंकाळी ६ वा. श्री.व्यंकटेश बालाजी मंदिर , कापड पेठ येथून सुदर्शन दिग्विजय रथ यात्रेस प्रारंभ होईल. फुले व दिव्यांनी सजवलेल्या रथात सुदर्शन विराजमान होईल. पारंपरिक मार्गाने रथ यात्रा ढोल ताशा व व्यंकटरमणा गोविंदा च्या गजरात मार्गस्थ होईल. बालाजी मंदिर, भांडी बाजार, गंगा पटांगण, दिल्ली दरवाजा, गुलालवाडी व्यायामशाळा, मधली होईल, बुधवार टेक, जुनी तंबटाळी, भद्रकाली मंदिर, हुंडीवाला गल्ली, पगडबंद गल्ली सराफ बाजार कापड पेठ येथून परत बालाजी मंदिर येथे संपन्न होईल. ठीक ठिकाणी भाविक तसेच विविध मांडळे रथाचे यथोचित स्वागत करतात. रथाची जागोजागी पुजा केली जाते. अनेक भाविक रथाच्या दर्शना नंतर आपला उपवास सोडतात.
रथाचे मानकरी श्री.व्यंकटेश बालाजी मंदिराचे महंत व पुजाधिकारी श्री.डॉ.रमेश बालाजीवाले हे असतात. नियोजन व संचलनाची जवाबदारी एड.श्री.हर्षवर्धन बालाजीवाले हे बघतात. रथाची धुरा श्री. विक्रम बालाजीवाले व ध्रुव बालाजीवाले हे सांभाळतात. श्री.राजेश नाशिककर मार्ग व्यवस्थापन सांभाळतात. गोसावी, देशपांडे, मूर्ति, जांदे, गरबे, केळकर तसेच अनेक परिवार रथ यात्रेच्या यशस्वीतेसाठी हाथभार लावतात. भाविकांनी मोठ्या संख्येने या रथयात्रेचे दर्शन घ्यावे.
Vyankatesh Balaji Brahmotsav Rath Yatra
Nashik Navratri Festival