इंडिया दर्पण ऑनलाई डेस्क – दूरसंचार क्षेत्रातील Vodafone Idea कंपनीने आपल्या ग्राहकांसाठी 5 नवीन प्रीपेड प्लॅन लॉन्च केले आहेत. विशेष बाब म्हणजे या पाचही योजना अतिशय कमी किमतीच्या आहेत. त्यांची किंमत 29 रुपये, 39 रुपये, 98 रुपये, 195 रुपये आणि 319 रुपये आहे. विशेष बाब म्हणजे या प्लॅनमध्ये ग्राहकाला वैधता आणि कॉलिंगसह पुरेसा डेटा मिळतो.
29 व 39 चा प्लॅन
29 आणि 39 रुपयांचे प्लॅन हे 4G डेटा व्हाउचर आहेत. यामध्ये फक्त डेटाची सुविधा मिळेल. 29 रुपयांच्या पॅकमध्ये 2 दिवसांसाठी 2 GB डेटा दिला जातो. त्याचप्रमाणे 39 रुपयांच्या पॅकमध्ये 3 GB डेटा 7 दिवसांसाठी उपलब्ध असेल. हे दोन्ही डेटा व्हाउचर अद्याप सर्व मंडळांसाठी उपलब्ध नाहीत.
98 चा प्लॅन
महाराष्ट्र सर्कलचा विचार केल्यास, हा पॅक सुमारे 15 दिवसांसाठी अमर्यादित कॉलिंग आणि 200MB डेटा देत आहे. यामध्ये एसएमएस सुविधा दिलेली नाही. तथापि, हाच पॅक गुजरात सर्कलमध्ये येत आहे आणि 21 दिवसांच्या वैधतेसह 9 GB डेटा देत आहे.
195 व 319 चा प्लॅन
कंपनीच्या 195 रुपयांच्या पॅकमध्ये तुम्हाला 31 दिवसांची वैधता मिळेल. यामध्ये 2 GB डेटा आणि अनलिमिटेड व्हॉईस कॉलिंगसह 300 एसएमएस दिले जातात. या प्लॅनमध्ये Vi Movies आणि TV Basic च्या मोफत प्रवेशासह देखील येतो. त्याच वेळी, 319 रुपयांचा पॅक 31 दिवसांच्या वैधतेसह येतो. यामध्ये दररोज 2 जीबी डेटा, अमर्यादित व्हॉइस कॉलिंग आणि दररोज 100 एसएमएस दिले जातात.
