विचार पुष्प
आत्मोन्नतीचा सुलभ आणि खराखुरा मार्ग
सर्व तऱ्हेच्या उतावीळ कर्मांचा त्याग करणे कोणत्याही तऱ्हेच्या वादंगात न पडणे, निरर्थक गप्पागोष्टी न करणे, कोणत्याही कर्माला साधे रूप देणे, त्याचा बडजाव न करणे, त्यातील कष्टांचा भाऊ न करणे, कल्पना वारूवर बसून इकडे तिकडे भटकण्यास मनाला मना करणे, स्वतःच्या क्षेत्राच्या बाहेर बुद्धीला लुडबुड करू न देणे, या सर्व गोष्टींमुळे परमेश्वरी इच्छेचे अनुसरण सोपे होऊन जाते.
तुमच्या श्रद्धा विषयास चिकटून राहा व त्यास धरूनच सर्व व्यवहार करा. समजा चुकून काही विपरीत वर्तन झाले तरी निराश, उदास होऊ नका. आपल्या पूर्वीच्या रस्त्यावर येऊन मार्ग चालू लागा. आपल्या ठिकाणच्या शोकीनपणास आणि आढ्यतेस चांगलाच प्रतिकार करा. सतत नम्र, शांत आणि समवृत्ती राखण्याचा आणि घडणाऱ्या घटनांचा मनावर अति खोल संस्कार होऊ न देण्याचा अभ्यास ठेवा. आत्मोन्नतीचा हाच एक सुलभ आणि खराखुरा मार्ग आहे,
