वास्तू शंका-समाधान : महत्त्वाची कागदपत्रे घरात कुठे ठेवावीत? घरात तिजोरी कुठे असावी?

इंडिया दर्पण विशेष
– वास्तू शंका समाधान –

इंडिया दर्पण ऑनलाईन डेस्क – अतिशय दर्जेदार वृत्तसेवा देणाऱ्या ‘इंडिया दर्पण’च्यावतीने वाचकांच्या आग्रही मागणीस्तव वास्तू शंकासमाधान या सदराद्वारे वाचकांना आता विविध प्रकारचे अचूक मार्गदर्शन मिळत आहे. गृहस्वप्न पूर्ण होणे ही फार मोठी बाब असते. मात्र, कुठली वास्तू घ्यावी, कशी असावी, वास्तूशास्त्र काय सांगते, आपल्या राहत्या घरातील अनेक बाबी कशा असाव्यात, काही समस्या असतील तर त्या कशा दूर कराव्यात आदींविषयी या सदराद्वारे शास्त्रोक्त माहिती दिली जात आहे.

या आठवड्याचा प्रश्न असा
महत्त्वाची कागदपत्रे घरात कुठे ठेवावीत, असा प्रश्न निशांत काळे यांनी विचारला आहे. तर, घरात तिजोरी कुठे असावी किंवा ठेवावी असा प्रश्न मुक्ता आठवले यांनी विचारला आहे.
उत्तर असे
आपल्या घराचा मुख्य दरवाजा कर्कश आवाज करणार नाही याची काळजी घ्यावी. दरवाजा नेहमी स्वच्छ आणि सुंदर असावा.
महत्त्वाची कागदपत्रे उघड्यावर किंवा इतरत्र ठेवू नयेत. शक्यतो पूर्व दिशेच्या कपाटात ठेवल्यास उत्तम. आपल्या घरातील इस्त्रीचे कपडे हे चुरगळलेल्या मळलेल्या कपड्यांबरोबर शक्यतो ठेवू नये. तसेच घरातील चप्पल बुट हे दरवाजासमोर किंवा इतरत्र असता व्यस्त विखुरलेले असू नयेत. घरातील ईशान्य कोपरा कायम स्वच्छ ठेवावा. या दिशेला घाण होऊ देऊ नये. शक्य झाल्यास इथे देवघर व भगवान गणेश आणि लक्ष्मी यांची मूर्ती ठेवून त्याची नित्य पूजा चांगले लाभ देतात. घराची तिजोरी ही आपल्या वास्तूच्या उत्तर भागात असल्यास उत्तम. शक्यतो तिजोरीचे दार हे उत्तरेस उघडणारे असावे. तिजोरी मध्ये कोणतेही देवतांचे फोटो ठेवू नये.

वास्तूविषयी आपले प्रश्न या नंबरवर व्हॉटसअॅप करावेत
ज्यो. प्रशांत सुधाकर चौधरी, नाशिक
ज्योतिष व वास्तू अभ्यासक
मो. – 9850281917
वरील नंबरवर कॉल करु नये. आपले प्रश्न फक्त व्हॉटसअॅप करावेत. आपले पूर्ण नाव आणि पत्ताही द्यावा. आपल्या प्रश्नांना इंडिया दर्पण शंकासमाधान या सदरामध्येच उत्तर दिले जाईल.

वास्तू तज्ज्ञ प्रशांत चौधरी यांच्याविषयी…
वास्तू तज्ज्ञ आणि ज्योतिषाचार्य प्रशांत सुधाकर चौधरी हे या सदराद्वारे वाचकांना मार्गदर्शन करणार आहेत. गेल्या २१ वर्षांपासून ते ज्योतिष आणि वास्तूशास्त्र क्षेत्रात कार्यरत आहेत. ज्योतिष भूषण आणि वास्तू विशारद या पदवी त्यांनी संपादित केल्या आहेत. त्याशिवाय ते गृहरक्षक दलातही सेवा बजावत आहेत. नाशिकच्या ज्योतिष अभ्यास मंडळात ते शिक्षक म्हणून जबाबदारी सांभाळत आहेत. वैवाहिक, घरगुती समस्या,अडचणी समुपदेशक म्हणूनही त्यांचा नावलौकिक आहे.

राष्ट्रीय स्वयंसेवक संघाच्या जनकल्याण समितीत ते जनकल्याण रुग्नोपयोगी साहित्य केंद्राचे सहप्रमुख आहेत. त्याशिवाय नाट्य कला क्षेत्रात नैपथ्यकार, लहान व तरुण मुलांनमध्ये संस्कार वर्ग आयोजन, भारतीय संस्कृतीचा प्रचार-प्रसार यात त्यांचे योगदान उल्लेखनीय आहे. सिंहस्थ कुंभमेळ्यात केलेल्या विशेष कामगिरीबद्दल त्यांचा विशेष सत्कार करण्यात आला आहे. पोलिस अधिक्षक ग्रामीण यांच्याकडूनही त्यांचा अनेकवेळा सन्मान झाला आहे. “कोरोनायोद्धा” म्हणूनही त्यांना गौरविण्यात आले आहे.

vastu shanka samadhan imp Documents coffers Guidance