नाशिक – सदभाव कंपनीच्या मनमानी कारभारामुळे महाराष्ट्र बॉर्डर चेकपोस्ट नेटवर्क लिमिटेड नवापूर येथील वजन माप विभागाकडून ४ काटे सील करण्यात आले वजन माप विभागाकडून ही सदभाव महाराष्ट्र बॉर्डर चेकपोस्ट नेटवर्क लिमिटेड यांच्यावर ४ महिन्यात दुसरी कारवाई करण्यात आली. ऑल इंडिया मोटार ट्रान्संपोर्ट काँग्रेसच्या नाशिक, धुळे जिल्हा तसेच मोटर मालक कामगार वाहतूक संघटना यांच्या निवेदना नंतर वजन माप विभागाकडून दखल घेतली गेली व आमच्या टीम सोबत दिनांक 17/11/2021,18/11/2021 रोजी वजन माप उपनियंत्रक गिरनार व त्यांचे सहकारी टीम यांनी कारवाई करून सदभाव कंपनी महाराष्ट्र बॉर्डर चेकपोस्ट नेटवर्क लिमिटेड यांचे सीमा तपासणी नाक्यावरील १७ वजन काटे तपासणी करून त्यापैकी ४ वजन काट्यामध्ये अनियमितता(दोष) आढळून आल्या कारणाने सिल करण्यात आले.व सदभाव कंपनीला नोटीस देऊन त्यांच्या कंपनीच्या असलेल्या काट्यामध्ये फरकाचे लवकरात लवकर निराकरण करण्याची तंबी देण्यात आली तसे न केल्यास कंपनी विरुद्ध गुन्हा दाखल करण्याचे संकेत देण्यात आले.
ऑल इंडिया मोटार ट्रान्संपोर्ट काँग्रेसच्या नाशिक ,धुळे तसेच मोटर मालक कामगार वाहतूक संघटनेच्या कार्यालयात वाहनं मालकांकडून सदभाव महाराष्ट्र बॉर्डर चेकपोस्ट नेटवर्क लिमिटेड यांच्या वजन काट्या मध्ये फरक आहे. त्यामुळे आमची मोठी आर्थिक पिळवणूक होत आहे. अशा प्रकारच्या तक्रारी वाहन मालकांकडून आल्या त्याअनुषंगाने सदभाव कंपनीचे काटे चेक करण्यात यावे हे निवेदन वजन माप विभागाला देण्यात आले. वजन माप विभागाने तात्काळ तत्परता दाखवून सिंघ नियंत्रक अधिकारी नाशिक,राजबेरकर नाशिक विभागीय सह नियंत्रक अधिकारी यांच्या मार्गदर्शनाखाली उप नियंत्रक गिरनारव त्यांचे सहकारी टीम यांनी आवश्यक ती कारवाई करून सदभाव कंपनीच्या अधिपत्याखाली असलेले नवापूर येथील सीमा तपासणी नाक्यावरील वजन काट्या पैकी ४ वजन काटे दोषी आढळून आल्यामुळे वजन माप विभागाद्वारे काटे सील करण्यात आले ह्या केलेल्या कारवाई मुळे ऑल इंडिया मोटार ट्रान्संपोर्ट काँग्रेस नाशिक, धुळे जिल्हा तसेच मोटर मालक कामगार वाहतूक संघटना वजन माप विभागाचे शतशः आभारी आहे. यावेळी मोटर मालक कामगार वाहतूक संघटनेचे महाराष्ट्र अध्यक्ष सचिन जाधव, किरण भालेकर,विनायक वाघ, नंदुरबार जिल्हा अध्यक्ष अमन रघुवंशी हे पदाधिकारी उपस्थित होते.
