आखाती देशातील दुबईमध्ये यंदा प्रथमच संपन्न झाला लावणी महोत्सव

चंद्रशेखर जाधव, दुबई
आखातात स्थायिक झालेल्या नवीन मराठी पिढीला आपल्या महाराष्ट्राच्या दैदिपयमान संस्कृती व लोककलेची ओळख करून देण्यासाठी आतापर्यंत अनेक सामाजिक कार्यक्रम पार पाडणाऱ्या ईन्स्पायर इव्हेंट्स युएई यांनी यंदा आखाती देशात प्रथमच लावणी महोत्सवाचे दुबई येथे रोजी आयोजन केले होते.

महाराष्ट्राची लोककला, संस्कृती व शान “लावणी” आखाती मराठी व आंतराष्ट्रीय प्रेक्षकापर्यंत पोहचविण्याचा ईन्स्पायर इव्हेंट्सचा हा छोटसा प्रयत्न होता. आयोजकांच्या धाडसी प्रयत्नाला मन:पुर्वक शुभेच्छा देण्यासाठी प्रमुख पाहुणे म्हणून लावणी सम्राज्ञी सुरेखा पुणेकरजी या खास पुण्याहून दुबईला पोहचल्या होत्या.

आखातातील मराठी मंडळींचे आपली संस्कृती विषयक प्रेम व आदर पाहून सर्व स्थानिक कलावंताना या कार्यक्रमाच्या दरम्यान लावणी सम्राज्ञी सुरेखा पुणेकर जी यांचे खास मार्गदर्शन लाभले व त्यांच्या हस्ते पारितोषिक वितरणाचा कार्यक्रम पार पडला. दुबईतील लावणी महोत्सव हा खऱ्या अर्थाने लावणी या लोककलेला व सुरेखा पुणेकर यांच्या कार्याला एक मानाचा मुजरा ठरला असे सुरेखा पुणेकर यांनी त्यांच्या मनोगतात सांगितले.

लावणी महोत्सव दुबई कार्यक्रमात यूएई तील स्थानिक कलावंत लावणी व सवाल जवाब यासारखे सांस्कृतिक नृत्य प्रकार आंतरराष्ट्रीय पातळीवर सादर केले गेले. दुबई येथील सागर जाधव ( एस.जे.लाईव )हे हा कार्यक्रम जगातील सर्व ऑनलाईन प्रेक्षकांपर्यंत एफबी लाईव माध्यमातून पोहोचविला. कार्यक्रमात दुबई स्थित उद्योजक राहुल घोरपडे, विजयेंद्र सुर्वे व इतर मानयवराणी उपस्थिती दिली व मार्गदर्शन केले.

वरील कार्यक्रमाच्या यशस्वी आयोजनासाठी आयोजक , चंद्रशेखर जाधव व त्यांचे सहकारी पल्लवी बारटके, साईली थत्ते, संदीप पवार,प्रशांत शिंपी,संतोष बस्मे,अनिल कदम व शिवाजी काका ग्रुप,संस्कृती मित्रमंडळ यांनी अथक मेहनत घेऊन भव्य व आदर्श असा आंतरराष्ट्रीय लावणी महोत्सव आयोजित करून अटकेपार झेंडा आंतरराष्ट्रीय पातळीवर फडकाविला.. यूएई येथील स्थानिक मराठी प्रेक्षकांना लाभलेली ही सुवर्ण पर्वणी होती.
श्री. चंद्रशेखर जाधव +९७१५६७४९६१४४

UAE Dubai Lavani Festival Celebration