नाशिक (इंडिया दर्पण वृत्तसेवा) – त्र्यंबकेश्वर रोडवर भाविकांची मिनी बस उलटल्याने अपघात झाल्याची माहिती समोर येत आहे. या बसमध्ये एकूण ३० प्रवासी होते. या अपघातात बसमधील १५ प्रवासी जखमी झाल्याचे सांगण्यात येत आहे. याप्रकरणी तातडीने मदतकार्य करण्यात येत आहे.
पोलिसांनी दिलेल्या माहितीनुसार, भाविकांची मिनी बस त्र्यंबकेश्वर येथे आली होती. त्र्यंबकेश्वर मंदिर आणि ब्रह्मगिरी या परिसरात या बसमधील भाविकांनी भेट दिली. ब्रह्मगिरी येथून परतत असताना. हॉटेल संस्कृतीच्या जवळ वाहनाचलकाचे या मिनीबसवरील नियंत्रण अचानक सुटले. त्यामुळेच या बसने झाडाला धडक दिली, त्यानंतर ही बस थेट नाल्यामध्ये उलटून पडली. या अपघातात जवळपास १५ भाविक जखमी झाल्याचे समजते. जखमींना तातडीने अॅम्ब्युलन्सद्वारे हॉस्पिटलमध्ये दाखल करण्यात येत आहे. अपघाताच्या ठिकाणी स्थानिकांनी मदतकार्य सुरू केले. पोलिस आणि अन्य यंत्रणाही अपघातस्थळी दाखल झाल्या आहेत.
Trimbakeshwar Mini Bus Road Accident15 Passengers Injured
Nashik
