इंडिया दर्पण ऑनलाईन डेस्क – सरकारी नोकरी असो की खासगी कर्मचाऱ्यांचा पगार, आपल्या देशात महिन्याच्या शेवटच्या दिवसाची वाट पाहावी लागते. पण कर्मचाऱ्यांची सोय व्हावी या उद्देशाने एका ई-कॉमर्स कंपनीने ‘वीकली सॅलरी पे पॉलिसी’ जाहीर केली आहे. बी- टू – बी ई – कॉमर्स कंपनी इंडिया मार्टच्या कर्मचाऱ्यांना आता पगारासाठी महिन्याच्या शेवटच्या दिवसाची वाट पाहावी लागणार नाही. कंपनीने आपल्या कर्मचाऱ्यांना दर आठवड्याला पगार देण्यासाठी नवीन वेतन धोरण जाहीर केले आहे.
बी- टू – बी ई-कॉमर्स कंपनी इंडिया मार्टच्या कर्मचाऱ्यांना आता पगारासाठी महिन्याच्या शेवटच्या दिवसाची वाट पाहावी लागणार नाही. कंपनीने आपल्या कर्मचाऱ्यांना दर आठवड्याला पगार देण्यासाठी नवीन वेतन धोरण जाहीर केले आहे. कंपनीने फेसबुक पोस्टमध्ये ही घोषणा केली आहे. एक लवचिक कार्य संस्कृती निर्माण करण्यासाठी आणि कर्मचार्‍यांचे आर्थिक कल्याण सुनिश्चित करण्यासाठी साप्ताहिक वेतन देय धोरण स्वीकारणारी इंडियामार्ट ही भारतातील पहिली संस्था बनली आहे, असे इंडियामार्टने फेसबुक पोस्टमध्ये लिहिले आहे.
साप्ताहिक पगार मिळाल्याने कर्मचाऱ्यांना त्यांच्या आर्थिक गरजा पूर्ण करण्यास मदत होईल, असे कंपनीचे म्हणणे आहे. कंपनीने या पोस्टसोबत एक फोटोही पोस्ट केला आहे. “तुमचे आर्थिक आरोग्य सुनिश्चित करण्यासाठी उचललेले पाऊल”, असा आशय या फोटोत आहे. साप्ताहिक पगार पेमेंट कर्मचार्‍यांच्या निरोगीपणाला चालना देण्यासाठी एक पाऊल असल्याचे म्हटले जाते. तासिका तत्त्वावर काम करणाऱ्यांसाठी हा सर्वोत्तम पर्याय मानला जातो. न्यूझीलंड, ऑस्ट्रेलिया, हाँगकाँग आणि यूएसमध्ये ही पद्धती अवलंबली जाते. भारतात आत्तापर्यंतच्या सामान्य पद्धतीनुसार कर्मचाऱ्यांना महिन्याच्या शेवटी पगार मिळतो. ही भारतातील सर्वात मोठ्या बी – टू – बी ई-कॉमर्स कंपन्यांपैकी एक आहे. हे खरेदीदारांना विक्रेत्यांशी जोडण्यासाठी एक व्यासपीठ म्हणून काम करते. या कंपनीचा पाया १९९९मध्ये घातला गेला आणि व्यवसाय करणे सोपे करणे हे या कंपनीचे ध्येय आहे. कंपनीच्या वेबसाइटवर उपलब्ध डेटानुसार, सध्या या प्लॅटफॉर्मवर १४३ दशलक्ष खरेदीदार सक्रिय आहेत तर ७ दशलक्ष पुरवठादार सक्रिय आहेत.
