नाशिक (इंडिया दर्पण वृत्तसेवा) – लग्नासाठी मुलगी पाहण्यासाठी गेलेल्या २१ वर्षीय तरुण पुराच्या पाण्यात वाहून गेल्याने त्याचा दुदैवी मृत्यू झाल्याची घटना घडली आहे. नाशिकच्या सुरगाणा तालुक्यातील खोबळा जिगरच्या पार नदीवर ही घटना घडली. वसंत सुरेश मासी असे या मृत तरुणाचे नाव आहे.
तो गुजराथ राज्यातील केळधा येथे मुलगी पाहण्यासाठी गेला असता नदीला पूर असल्याने दुचाकी नदी काठी लावून नदी पार करीत असतांना पुराच्या पाण्याचा अंदाज न आल्याने पाय घसरुन पाण्यात पडल्याने पुराच्या जोरदार प्रवाहाने तो तीन ते चार किमी वाहून गेला.
त्या शोध घेतल्या नंतर चार दिवसा नंतर त्याचा मृतदेह वांगणपाडा जवळील खोडदा डोहा जवळ आढळून आला.स्थानिकांनी पाण्याच्या प्रवाहातून त्याचा मृत देह बाहेर काढला.
