‘केजरीवालांनी माझ्याकडून घेतले ५० कोटी’, महाठग सुकेश चंद्रशेखरचा खळबळजनक दावा

नवी दिल्ली (इंडिया दर्पण वृत्तसेवा) – येथील मंडोली कारागृहात बंदिस्त असलेल्या सुकेश चंद्रशेखरने सत्येंद्र जैन यांच्यावर गंभीर आरोप केल्यानंतर आता आणखी एक लेटरबॉम्ब फोडला आहे. यावेळी सुकेश यांनी दिल्लीचे मुख्यमंत्री अरविंद केजरीवाल यांच्यावर निशाणा साधला आहे. सुकेशने या पत्रात अनेक मोठे आणि खळबळजनक दावे केले आहेत. गुजरात, हिमाचल आणि दिल्ली महापालिका निवडणुकीच्या आधी मीडियाला दिलेल्या चार पानी ‘स्फोट’ पत्रात त्याने आप नेते केजरीवाल यांच्यावर ५० कोटी रुपये घेतल्याचा आरोप केला आहे. त्याबदल्यात राज्यसभेची जागा देण्याचा दावाही केला आहे.

या पत्रात सुकेश याने केजरीवाल यांना थेट प्रश्न विचारला आहे की, जर मी देशातील सर्वात मोठा ठग आहे तर माझ्यासारख्या गुंडाला राज्यसभेची जागा देऊ करून ५० कोटी रुपये का घेतले? केजरीवाल आणि सत्येंद्र जैन यांच्या विरोधात लिहिलेल्या पहिल्या पत्रानंतर मला तिहार जेलचे माजी डीजी आणि प्रशासनाकडून धमकावले जात आहे. केजरीवाल आणि त्यांचे मंत्री सत्येंद्र जैन यांच्या कारभाराला मी घाबरत नसल्याचे सुकेशने लिहिले आहे. दिलेली माहिती पूर्णपणे बरोबर आहे, अर्थातच त्यांची चौकशी झाली पाहिजे, असा दावा त्याने केली आहे.

सुकेशने पुढे लिहिले आहे की, मी तुम्हाला आणि व्यावसायिकांना तुम्हाला आणि आम आदमी पार्टीला जोडून ५०० कोटी रुपये उभे करण्यास सांगितले होते. त्या बदल्यात मला कर्नाटकात पक्षात मोठ्या पदाची ऑफरही दिली जात होती. २०१६ मध्ये हॉटेल हयात येथे झालेल्या डिनर पार्टीचा संदर्भ देत सुकेश म्हणाला की, “केजरीवाल जी, तुम्ही सत्येंद्र जैन यांच्यासोबत माझ्या डिनर पार्टीला का आलात, जेव्हा मी तुम्हाला ५० कोटी रुपये दिले होते. ही रक्कम मी तुम्हाला कैलास गेहलोत यांच्या असोला फार्ममध्ये दिली होती. केजरीवाल जी, तुम्ही मला बंगळुरूचे माजी आयुक्त भास्कर राव यांच्या नोकरीनंतरच ‘आप’मध्ये सामील होण्यास का भाग पाडले? केजरीवालजी, २०१७ मध्ये जेव्हा मी तिहार तुरुंगात होतो तेव्हा तुम्ही माझ्याशी सत्येंद्र जैन यांच्या फोनवर का बोललात? हा नंबर सत्येंद्र जैन यांनी AK2 च्या नावाने सेव्ह केल्याचा दावा सुकेशने केला आहे.

"Kejriwal Ji why you forced me to bring 20-30 individuals to contribute Rs 500 cr to the party in return of seats," reads Sukesh Chandrashekhar's letter that has been confirmed by his lawyer pic.twitter.com/ykRxNsJbyz

— ANI (@ANI) November 5, 2022

Sukesh Chandrashekhar Claim Kejriwal Received 50 Crore Rs