इंडिया दर्पण ऑनलाईन डेस्क – सर्वांच्याच घरात पती-पत्नीमध्ये लहान-मोठे तंटे होतच असतात. कधी वाद लवकर मिटतो तर कधी लांबतो. अशाच एका भांडणारदरम्यान बाबा आईला मारहाण करत असल्याचे सहन न झालेल्या मुलीने चक्क वडिलांच्याच कानाखाली आवाज काढल्याचा प्रकार घडला आहे. यासंदर्भातील व्हिडिओने सोशल मीडियावर चांगलीच खळबळ माजवून दिली आहे.
गेल्या काही वर्षांमध्ये चिमुकल्यांचे आगळेवेगळे व्हिडिओ सोशल मीडियावर तुफान हिट होताना दिसताहेत. त्यामुळे कोण, कधी रातोरात सोशल मीडियावर स्टार बनेल याचा काही भरवसा राहिलेला नाही. कधीकधी तर या लहान मुलांचे व्हिडिओ पाहून त्यांच्या कृतीचे कौतुक करावे की चिंता, असादेखील प्रश्न पडतो. वडिलांच्या कानशिलात लगावणाऱ्या मुलीचा व्हिडिओदेखील तसाच आहे. आपले बाबा आईला मारहाण करत असल्याचा राग आल्यामुळे चिडलेल्या मुलीने वडिलांनाच थप्पड लगावली. तिच्या या कृतीमागील उद्देश चांगला असला तरी इतक्या लहान वयात मुलं वडिलांवर हात उचलतात, ही चिंतेची बाब असल्याची भावनादेखील व्यक्त करण्यात येत आहे.
नेमका असा आहे व्हिडिओ
सोशल मीडियावर व्हायरल झालेल्या व्हिडिओमध्ये एक मुलगी आपल्या वडिलांना समजावत आहे, तुम्ही मम्मीला मारू नका मी सांगतेय ना असंही ती बोलताना दिसते. पण मुलीला अजून चिडवण्यासाठी तिचे बाबा बाजूला बसलेल्या स्वतःच्या बायकोला गंमतीत एक फटका मारतात, खरंतर हा एकूण प्रकार गंमतीतच घडत असतो पण आईला मारल्याचं पाहून चिमुकली अशी भडकते की ती थेट बाबांच्याच कानाखाली मारते. एवढ्यावरच थांबत नाही तर ती पुढे पूर्ण व्हिडिओमध्ये वडिलांना अक्षरश: झापून काढते.
Small Girl Video Viral in Social Media
